I Kor 5:11 - Testamente Ledrimpswha ni Mapsalma

¹¹ Kambe swoswi, nin'witralela akuva n'wingatipatri ni lweyi ahlayiwaka makwenu na kasi i wa vumbuye, kumbe munaveli wa vukosi bya misava leyi, kumbe mugandreli wa swikwembu swakuka-ndlela, kumbe mulumbeti, kumbe mpopswi, kumbe muyivi; a mhunu wa kufana ni lweyo, n'wingapatrani na yene, nambi kudeni.

I Kor 5:11 Mawu Ofanana

Mt 18:17

Loko yene angadjuli kuvayingela, byela a Kereke; loko na kone ayala akuyingela a Kereke, ku wene ave swanga wa matiko ni muhlengisi.

Mt 23:25

Yowee, n'wine vatrali ni vafarisi va mandrendre! N'winhlampswa a handle ka ntrheko ni mbenga, kasi andreni kutali hi vuyivi ni nxambya.

Lk 18:11

Lweyi wa mufarisi ayima atikhongotela hi le ndreni kwake aku: Xikwembu Nkulukumba nakutlangela hi leswi ningaliki swanga hi van'wana vhanu, vanga swiyivi, ni vasomboloki, ni vawoswani, nambi kuli kufana ni lweyi wa muhakelisi wa tinemba lweyi.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

Mintiro Ya Vapostola 1:15

Amasikwini wolawo, Petrosi ayima amakari ka vamakwavu (ke, vahlengeletani kone, a vhanu lava afaka vadjula kuva dzana na makume mabiri (120),) aku:

Mintiro Ya Vapostola 9:17

Ananiya afamba, aya kaya ka Yuda, ayantlhanteka mavoko ku Saulo, aku ku yene: Saulo makweru, Hosi Yesu, lweyi atikombisiki ku wene andleleni, anirumi ku wene akuva utlhela uvona, ni kuva utala hi Moya wa Kuxwenga.

Rm 13:13

Ahi fambeni hi kudumbeka, swanga hi loko hili livaningweni dra nhlikanhi, kunge kudeni ni le kupopsweni, kunge a vuwoswini ni le switolovetweni swakubiha, kunge timholoveni ni le matrhohweni.

Rm 16:17

Na n'wikhongota vamakweru, akuva n'witivonela ku lava pfuxaka ku hambana ni kutlakuxa kuganaganeka kakuhambana ni dondro leyi n'wingayi yamukela. Travukanani navu,

I Kor 10:14

Hileswo-ke, varandriwa vanga, trutrumani, n'witxhava a kugandrela a swikwembu swakuka-ndlela.

I Kor 11:21

hikusa mun'wana-ni-mun'wana aranga atidela a xilalelo xakwe, mun'wana atrhama ni ndlala, na kasi mun'wana awapopswa.

I Kor 5:13

Kambe a va le handle, Xikwembu Nkulukumba atavayavanyisa. Ke, hlongolani a wa vubihi amakari kwenu.

I Kor 6:10

nambi vayivi, nambi vanaveli va vukosi bya misava, nambi timpopswi, nambi valumbeti, nambi vawutli, hinkwavu lavo vangatida a pfindla dra Mfumu wa Xikwembu Nkulukumba.

I Kor 6:6

Kambe mun'we, loko ani mhaka ni makwavu, xana vaya akuyavanyisiweni amahlweni ka lava vangaliki vapfumeli?

I Kor 6:9

Kumbe xana an'wiswitivi leswaku a vayentxi va vubihi vangatida a pfindla dra Mfumu wa Xikwembu Nkulukumba? N'wingatikanganyiseni! Nambi vawoswani, nambi vagandreli va swikwembu swakuka-ndlela, nambi va vumbuye, nambi lava vatiyentxaka ingi i vavasati, nambi lava vatekanaka hi xinuna xavu kumbe hi xisati xavu,

I Kor 7:12

Ku van'wana, navabyela mine, yingali Hosi: Loko mun'we ku vamakweru ali ni nsati lweyi angapfumelikiki ku Xikwembu Nkulukumba, loko a nsati lweyo aswirandra a kutrhama ni nuna, a nuna angamuhlongoli;

I Kor 7:15

Kambe loko lweyi angapfumelikiki adjula a kutravukana ni lweyi apfumelaka, angatravukana; hikusa a makweru, wa xinuna kumbe wa xisati, lweyi akumekaka ku matrhamela lawo, angabohiwi; hikusa Xikwembu Nkulukumba an'wivitaneli kurula.

I Kor 8:11

Xileswo, a makwenu lweyi wa gome, lweyi na yene Kriste amufeliki, atalahleka hikola ka kutiva kwaku.

Gl 2:12

Hikusa, loko kungasina tlhasa vhanu van'wana vantlawa wa Yakobe, afa ada kun'we ni va-Matiko; kambe, loko kutlhasa a vhanu lavo, atrhindreka ntrhaku, atitravuxa atxhava lava kusoka.

Ef 5:18

N'winga popsweni hi vhinyo, hikusa drivanga timholova, kambe titatani hi Moya,

Ef 5:5

Tivani leswi: akuna muwoswani nambi lweyi nfani, kumbe vakufelela, ni mugandreli wa swithombe, ataka fanela hi kuda pfindla aNfun'wini wa Kriste ni wa Xikwembu Nkulukumba.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

II Tsl 3:14

Loko wakukari angayingiseti swileleto leswi hi n'winyikaka ku papela ledri, lavisisani leswaku n'wikhanelisana ni lweyi wakuyini, n'winga hanyisaneni na yene akuva atakhomiwa hi tingana.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

II Yhn 1:10

Loko kuta mhunu ku n'wine, na angabuyisi dondriso leyi, n'wingamuyamukeleni atindlwini tenu, nambi kumuhlayela hoyo-hoyo.

Mpfuletelo 2:14

Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.