I Kor 4:6 - Testamente Ledrimpswha ni Mapsalma

⁶ A mintxhumu leyi, vamakweru, nimifanisi ha mine na Apolo hinkonta yenu, akuva n'widondra ku hine akuva n'wingatluli leswi switraliwiki ni kuva amakari kwenu kungavini lweyi atikulisaka a henhla ka mun'wana.

I Kor 4:6 Mawu Ofanana

Mintiro Ya Vapostola 18:24

Ankameni wolowo, kutlhasa a Efesa, mun'we wa mu-Yuda avitaniwaka Apolo, wa kubelekiwa a Alexandriya, nuna wa kuvulavula swixonga, ataliki ntamu hi tlhelo dra Matralwa.

Mintiro Ya Vapostola 19:1

Loko Apolo ahali Korinto, Pawulosi atremakanyi matiko ya tinhava, atlhasa Efesa. Akumiki kone a vadondrisiwa vakuhlawanyana,

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

I Kor 1:12

Nihlaya leswo hi leswi mun'wana-ni-mun'wana ku n'wine aliki: Mine ni wa Pawulosi!, Mine ni wa Apolo!, Mine ni wa Petrosi!, Mine ni wa Kriste!

I Kor 1:19

Hikuva kutraliwi leswaku: Nitahelisa a vutlhari bya tintlhari, nitadrela a vutivi bya tintivi.

I Kor 1:31

akuva, swanga hi leswi kutraliwiki: Lweyi atitwalisaka, atitwaliseli a Hosini.

I Kor 13:4

A lirandru drilehi mbilu, drini vunene. A lirandru adrina vukwele, adritiyentxisi na kone adritikukumuxi,

I Kor 3:19

Hikusa a vutivi bya misava leyi i vusinge amahlweni ka Xikwembu Nkulukumba; hikuva kutraliwi leswaku: Yene akhoma tintlhari avutlharini bya tone.

I Kor 3:21

Hileswo-ke, kungavini lweyi atikulisaka hi vhanu; hikusa hinkwaswu i swenu:

I Kor 5:2

Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!

I Kor 5:6

Ahi ntxhumu wunene a kutikukumuxa kwenu. Xana an'wiswitivi leswaku a handrelo yitrongo yibilisa a mbila hinkwayu xana?

I Kor 8:1

Mayelano ni mintxhumu leyi miphahleliwiki a swikwembu swakuka-ndlela, haswitiva leswaku hinkweru hini vutivi. A vutivi byiyentxa leswaku a mhunu atikukumuxa, kambe a lirandru drayaka.

I Kor 9:23

Nakone niyentxa hinkwaswu leswi hinkonta ya Ivangeli, akuva nindruluka mun'we wa vatireli va Ivangeli.

II Kor 10:12

Hikusa ahitiyi kutidringanisa ni kutifanisa ni van'wana vatitwalisaka ha swavu, kambe volavu, hikutidringanisa, ni kufanisana ha swavu, avatlharihanga.

II Kor 10:15

Na hingatitwalisi handle ka mpimu amintirweni ya van'wana vhanu, na hili ni kulavisela ka leswaku, loko n'wikula akupfumeleni kwenu, hitavani kukhensiwa loku kukulu amakari kwenu, andreni ka mindrelakana leyi Xikwembu Nkulukumba angahinyika yone,

II Kor 10:7

N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

II Kor 11:4

Hikusa, loko kunene kutlhasa mun'we, arera Yesu mumbeni lweyi hingan'wibyelangakiki, kumbe n'wipfumela kuyamukela moya wakuhambana ni lowu n'wiwuyamukeliki, kumbe ni Ivangeli leyi hambanaka ni leyi n'wiyi yamukeliki, lweyo, n'wamuyamukela swinene.

II Kor 12:19

Kumbe xana ni swoswi n'wahapimisa leswaku hitiyangulela ku n'wine, hi vulavuli ha Kriste amahlweni ka Xikwembu Nkulukumba, kambe hinkwaswu leswi, varandriwa, hileswaku n'wiyakiwa.

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

II Kor 12:6

Kambe nambi loko afa ningatititwalisa, ningavi singe, hikusa afa nitahlaya xihlayelamfuri; kambe naswitrika akuva kungativa ni lweyi atakatikarata ha mine hi leswi aswiyingelaka ni leswi aswivonaka ha mine.

II Kor 4:15

Hinkwayu mintxhumu mikone hikola ka lirandru drenu, hikuva loko atimpswalu tiyandra, na kone kutlangela kuva kunyingi hikola ka lava vanyingi, akuva kutwalisiwa Xikwembu Nkulukumba.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

I Tsl 1:5

Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.