I Kor 4:12 - Testamente Ledrimpswha ni Mapsalma

¹² na kone hakarateka na hitira hi mavoko yeru. Loko hirukiwa, hihlayela vunene; loko hixanisiwa, hatiyisela;

I Kor 4:12 Mawu Ofanana

Mt 5:11

N'witakateka loko van'wiruka, van'wixanisa, vahlaya maritu hinkwawu ya kubiha ha n'wine hi kuhemba, nkonta yanga.

Mt 5:44

Kambe mine nili ku n'wine: Randrani a valala venu, n'wikombelela ku Xikwembu Nkulukumba, lava van'wixanisaka

Lk 23:34

Kutani Yesu aku: Tatana, vadrivalele, hikusa avaswitivi leswi vaswiyentxaka! Vayavelana swiyambalu swake, hi kuswihlahluva hi mpswhampswha.

Lk 6:28

Hlayelani matovoko lava van'wirukaka, n'wikhongotela ni lava van'wixanisaka.

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Mintiro Ya Vapostola 18:3

leswi afaka ali wa ntiro wa kufana ni wavu, atrhama na vone atira; hikusa a ntiro wavu afa wuli wa kuhamba a matende.

Mintiro Ya Vapostola 20:34

N'waswitiva na n'wine leswaku a mavoko lawa (yanga) matireli hinkwaswu leswi afaka niswivilela, mine ni lava afaka vali na mine.

Mintiro Ya Vapostola 7:60

Ntrhaku akhisamiki na abandlukana hi ritu ledri drikulu aku: Hosi, ungavayavanyisi hinkonta ya xidoho lexi! Atiki ahlaya leswo, a fa.

Rm 12:14

Kombelelani lava van'wixanisaka, vahlayelani makateko, n'wingava kombeleli swakubiha.

Rm 12:20

Matlhela maku: Loko a nala waku ani ndlala, munyike ada ni loko ani tora munyike anwa. Hi kuyentxa leswo uta mukhomisa tingana.

Rm 8:35

Hi mani lweyi ataka hitravukanisa ni lirandru dra Kriste? Nhlomulo, kunonon'hweliwa, kuxanisiwa, ndlala, vusweti, timhangu, a lifu?

I Kor 9:6

Kumbe xana ntsena mine na Barnabasi ahina mfanelo ya kutrika a kutitirela?

II Kor 11:8

Ni wutlile man'wana makereke, ni hakeliwa ha wone, akuva nitakota kun'witirela.

Ef 4:28

Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

II Tsl 3:8

ahidanga mahala kati dra wa kukari. Kambe hitiri hi kunonon'wa, vusiku ni nhlikanhi, akuva hinga bindreli ni mun'we wenu.

I Tmt 4:10

hi swoleswo-ke hitikaratelaka ni kulwela swone, hikuva hibeki a kulavisela kweru ku Xikwembu Nkulukumba lweyi ahanyaka, lweyi anga Muhuluxi wa vhanu hinkwavu, ngopfu-ngopfu wa vapfumeli.

I Ptr 2:23

hikusa ni loko aruketeliwa, afa angayanguli hi swiruku, loko axanisiwa, afa angatxhaviseli mhunu, kambe afa anyiketa hinkwaswu amavokweni ya lweyi ayavanyisaka hi kululama;

I Ptr 3:14

Kambe, na kone loko n'witxhuka n'wixaniseka hinkonta ya vululami, n'wikatekile. N'wingatxhaveni kutxhavisela ka vhanu, mfuri n'wingakaratekeni ha ntxhumu,

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

I Ptr 4:19

Hileswo-ke, lava vaxanisekaka hi kulandra a kurandra ka Xikwembu Nkulukumba, avanyikeli a mahika yavu hi kuyentxa leswinene, ku Mutumbuluxi lweyi adumbekaka.

Yd 1:9

Kambe Mikayele ntrumi leyi yikulu loko akanetana na Diyavulosi, valwetana ntrumbu wa Moxe, atxhavi kuhumexa ritu drakusola, eku: “A Hosi ayikukhatise!”