I Kor 3:13 - Testamente Ledrimpswha ni Mapsalma

¹³ a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

I Kor 3:13 Mawu Ofanana

Mt 10:15

Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Lk 2:35

na wene mfuri a lipanga dritakutlhava hika draku, akuva kupfuleteliwa a miyanakanyu leyi mifihlekiki ya lava vanyingi.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

Rm 2:5

Kambe hinkonta yakunono'hwa kambilu yaku, leya kuka yingadjuli kundruluka. Hi swoleswo utihlengeletela nhlengo ya mahlundru a sikwini dra mahlundru ya kupfuleteleka ka tremo dra kululama dra Xikwembu Nkulukumba,

I Kor 1:8

lweyi atakan'witiyisa kutlhasa vugan'wini, leswaku n'wingativana nandru a sikwini dra Hosi yeru Yesu Kriste.

I Kor 3:12

Kambe loko leswi mhunu ayakaka a henhla ka masungulo lawo swili gole kumbe silivhela, kumbe maribye lawa ya lisima, kumbe mapulangu, kumbe byanyi, kumbe nhlanga,

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

II Tmt 1:18

A Hosi ayimunyiki hi siku ledriya, leswaku a kuma vumbilu ku Hosi. Nakone wene wa switiva ngopfu kutlula mine, leswaku mintiro mingani aniyentxeliki le Efesa.

II Tmt 3:9

kambe vangaye mahlweni hikusa vusinge byavu byita voneka mahlweni ka hinkwavu, swanga hi leswi a bya lavo vabiri byingavoneka.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

I Ptr 1:7

akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;

I Ptr 4:12

Varandriwa, n'wingahlamaleni a ndrilo wupfuraka a makari kwenu akuva wun'widringa, na wuyentxa swanga i ntxhumu wa kuhlamalisa wuhumelelaka,

II Ptr 3:10

Kambe a siku dra Hosi dritlhasa swanga hi muyivi, hi siku ledro a matilo mata hundra hikudruma lokukulu, hinkwaswu swivumbiwa switapswha swihela, kutani a misava ni hinkwaswu leswinga kuyone, switahisiwa.

II Ptr 3:7

Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.

Mpfuletelo 20:12

Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.