I Kor 3:12 - Testamente Ledrimpswha ni Mapsalma

¹² Kambe loko leswi mhunu ayakaka a henhla ka masungulo lawo swili gole kumbe silivhela, kumbe maribye lawa ya lisima, kumbe mapulangu, kumbe byanyi, kumbe nhlanga,

I Kor 3:12 Mawu Ofanana

Mintiro Ya Vapostola 20:30

Ni leswaku amakari kwenu kutapfuka vavanuna, vatakakhanela swakusomboloka, akuva vatikokela a vadondrisiwa, vavalandra.

Rm 16:17

Na n'wikhongota vamakweru, akuva n'witivonela ku lava pfuxaka ku hambana ni kutlakuxa kuganaganeka kakuhambana ni dondro leyi n'wingayi yamukela. Travukanani navu,

I Kor 3:11

Hikusa akuna lweyi angakotaka a kubeka a masungulo man'wana handle ka lawa mabekiwiki, lawa anga Yesu Kriste.

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 4:2

Hi trhikile amintxhumu leyi mifihliwiki leyi mikhomisaka tingana; ahi yentxi hi marengu, nambi kuli kusombolota ritu dra Xikwembu Nkulukumba; hikuhambana, nitinyiketa kutivisa alivaleni a xihlayelamfuri ku vhanu lavangani lipfalu, amahlweni ka Xikwembu Nkulukumba.

Va-le-Kolosa 2:8

Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste.

I Tmt 6:3

Loko mhunu adondrisa dondro yimbeni ava angapfumeli a maritu manene ya Hosi yeru Yesu Kriste ni dondro leyi yifambelanaka ni vukhongoti,

II Tmt 2:20

Kambe andlwini ya lifuyu, akuna ni swibya swa gole ni silivhela ntsena, na kone swikone ni swibya swaku vatliwa ni swavumba; a swin'we swini ntiro wa lisima ni swin'wana ntiro lowu wutrongo.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

II Tmt 3:7

Volavo vadondra minkama hinkwayu, kambe avatlhasi akutiveni ka xihlayelamfuri.

II Tmt 4:3

Hikusa wutatlhasa nkama lowu vangatiki yamukela dondro leyi hanyisaka, kambe hi kunavela kwavu vatatihlengeletela vadondrisi lava vataka dondrisa leswi vaswitrhavelaka.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

I Ptr 1:7

akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;

Mpfuletelo 2:14

Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

Mpfuletelo 21:18

A pangu dra muti dri yakiwi hi yaspa, a muti wone wa kuva gole dra lisima, swanga hi xivonivoni lexi basiki.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.