I Kor 2:14 - Testamente Ledrimpswha ni Mapsalma

¹⁴ Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya.

I Kor 2:14 Mawu Ofanana

Mt 16:23

Kambe Yene andruluka aku ku Petrosi: Suka ku mine Sathana, hikusa wene u xikhunguvanyiso ku mine, hikusa awupimisi swa Xikwembu Nkulukumba, kambe swakuva swa vhanu.

Yohana 10:20

Lava va kutala ku vone afa vaku: Ani demoni, ahungukile! Xana n'wimuyingisetela yini?

Yohana 12:37

Kambe nambi loko ayentxi mahlolana lawa manyingi ngopfu amahlweni kwavu, avapfumelanga ku yene,

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

Yohana 8:43

Hikola kayini n'wingayingelisisi leswi nihlayaka swone xana? Hi leswi n'wihlulekaka kuyingela ritu dranga.

Mintiro Ya Vapostola 16:14

Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi.

Mintiro Ya Vapostola 17:18

Kutani van'we va tintlhari, vatxhuliwaka va-Epikuri ni va-Stoyiki vakhanelisana na yene, na van'we vaku: Xana a mukhaneli lweyi adjula kuhlaya yini? Van'we afa vaku: Ingi i muhlayi wa swikwembu swimbeni. Afa vahlaya leswi hikusa Pawulosi afa avativisa a ta Yesu ni ta kupfuxiwa ka vafi.

Mintiro Ya Vapostola 17:32

Loko vayingeli Pawulosi ahlaya swakupfuxiwa ka vafi, van'we vahleka, van'wana vaku: Hahatatlhela hikuyingela hi nkama wumbeni amhakeni leyi.

Mintiro Ya Vapostola 18:15

Kambe leswi kunga kutengisana hi maritu, kumbe ka mavito, kumbe ka nawu wa kwenu, tivonelani swone n'wine ha vuswenu. Mine anirandri kuva mutremi ku mintxhumu leyo.

Mintiro Ya Vapostola 25:19

Kambe afa vani kukanetana na yene hi timhaka ta vukhongeli byavu, ni hinkonta ya wa kukari valiki hi Yesu, afiki, kambe Pawulosi aliki awahanya.

I Kor 1:18

Kunene, a ritu dra xihambano i vusinge ku lava valahlekiki; kambe ku hine hiyamukeliki huluxu, i ntamu wa Xikwembu Nkulukumba.

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

I Kor 1:23

kambe hine hihuwelela Kriste lweyi avambiwiki axihambanwini, leswi swinga xikhunguvanyiso ku va-Yuda na kone swinga vusinge ku va-Matiko.

I Kor 1:25

Hikusa a vusinge bya Xikwembu Nkulukumba i vutivi ngopfu kutlula vhanu, ni gome dra Xikwembu Nkulukumba i ntamu wukulu kutlula vhanu.

I Kor 15:44

Yibyaliwa na yini miri ya nyama, yipfuxiwa na yini miri ya moya. Loko-ke kuni miri ya nyama, na yone miri ya moya yikone.

I Kor 15:46

Kambe awa kusungula ahi wa moya, kambe im'na i wa nyama, ntrhaku ava lweyi wa moya.

I Kor 2:12

Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki;

I Kor 3:1

Na mine, vamakweru, aniswikotanga a kukhanela ku n'wine swanga vhanu va Moya, kambe swanga ku vhanu va nyama, swanga vatrongwana ku Kriste.

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

I Yhn 2:20

Kolahu-ke n'wine, n'wingani kutotiwa ka lweyi wa kuxwenga, na kone n'witiva hinkwaswu.

I Yhn 2:27

Ke, akutotiwa loku n'wikuyamukeliki ku Yene akutrhami ku n'wine, hikola ka leswo an'wina kuvilela ka leswaku mhunu a n'widondrisa. Kambe swanga hileswi akutotiwa loku kwake kutiyiki kungeke na madrimi, kutan'widondrisa henhla ka mintxhumu hinkwayu, swanga hileswi n'wingadondrisiwa swone, xiswoswo trhamani ku Yene.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Yd 1:19

Lava hi lava hambanisaka van'wana; vafamba hi swavumhunu, na vangena Moya wa Xikwembu Nkulukumba.