I Kor 14:4 - Testamente Ledrimpswha ni Mapsalma

⁴ Lweyi avulavulaka hi tindrimi atiyaka yene ntsena, kambe lweyi aprofetaka, ayaka a kereke.

I Kor 14:4 Mawu Ofanana

Marka 16:17

Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha.

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

I Kor 12:10

mun'wana mfuri a ntamu wa kuyentxa mahlolana, mun'wana a vuprofeta, mun'wana a kutivisisa a mimoya hi vuyentelelo, mun'wana a kukhanela tindrimi ta tinxaka-xaka, mun'wana a kutitlhamuxela.

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

I Kor 14:12

Xileswo, na n'wine, leswi n'winga vakhinyeleli va tinyiko ta Moya, djulisisani, akuva n'witiyamukela hi kuyandra, akuyakeni ka kereke.

I Kor 14:22

Hikolahu-ke, a kuvulavula tindrimi i xikombiso, kungali ku lava vapfumeliki, kambe ku lava vangapfumelikiki; kasi a vuprofeta i xikombiso, kungali ku lava vangaliki vapfumeli, kambe ku lava vanga vapfumeli.

I Kor 14:26

Vamakweru, ke, i swakuyini xana? Loko n'wihlengeletana, mun'wana-ni-mun'wana ani psalma, kumbe dondro, kumbe Apfuletelo, kumbe lidrimi drimbeni, kumbe ntlhamuxelo; hinkwaswu aswiyentxeliwi kuyaka.

I Kor 14:3

Kambe lweyi aprofetaka, avulavula ni vhanu, leswi swiyakaka, leswi switratriyaka ni leswi swikhongotelaka.

I Kor 14:5

Afa nirandra leswaku n'wine hinkwenu n'wivulavula hi tindrimi, kambe ngopfu-ngopfu leswaku n'wiprofeta; hikusa lweyi aprofetaka atlula hi kuhundrisa lweyi avulavulaka hi tindrimi, handle ntsena loko akota ni kutitlhamuxela, akuva a kereke drikuma a kuyakiwa.