I Kor 14:3 - Testamente Ledrimpswha ni Mapsalma

³ Kambe lweyi aprofetaka, avulavula ni vhanu, leswi swiyakaka, leswi switratriyaka ni leswi swikhongotelaka.

I Kor 14:3 Mawu Ofanana

Lk 3:18

Afa kuli hi leswi ni hi swileleto swin'wana leswi Yohana Mubabatisi afaka ativisa a Ivangeli.

Mintiro Ya Vapostola 13:15

Antrhaku ka kuhlayiwa ka Nawu, ni ka vaprofeta, a varangeli va sinagoga vavaramba vaku: Vavanuna va-le-kweru, loko n'wini ritu dringadondrisaka a xitrhungu, drihlayani.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Mintiro Ya Vapostola 15:32

Yuda na Silasi, leswi na vone afaka vali vaprofeta, vatxhaveleli ni kutiyisa a vamakwavu hi maritu manyingi.

Mintiro Ya Vapostola 4:36

Na yene Yosefa lweyi atxhuliwaka Barnabasi hi vapostola, hileswaku: N'wana wa kumiyeta, loko kutlhamuxeliwa, mulevi, abelekiwiki Kipra;

Mintiro Ya Vapostola 9:31

A Kereke afa drini kurula atikweni hinkwadru dra Yudeya, Galileya ni Samariya, driyakisiwa ni kufamba kutxhaveni ka Hosi; na swone afa driyandra hi kupfuniwa hi Moya wa Kuxwenga.

Rm 12:8

lweyi angani nyiko ya kutiyisa vambeni, a avatiyise; lweyi ayavelaka leswi anga na swone ayavele hi vumbilu, lweyi arangelaka, aswiyentxa hi lipfalu hinkwadru, lweyi a pfunaka lava pfumalaka, avapfune na atrhavile.

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

Rm 15:2

Mun'wana-ni-mun'wana wenu afanekela kutrhavisa wa-le-kwavu ku leswinga swinene akuva swita mutiyisa akupfumeleni.

I Kor 10:23

Hinkwaswu swipfumelekile, kambe ahi hinkwaswu swipfunaka. Hinkwaswu swipfumelelekile, kambe ahi hinkwaswu swiyakaka.

I Kor 14:12

Xileswo, na n'wine, leswi n'winga vakhinyeleli va tinyiko ta Moya, djulisisani, akuva n'witiyamukela hi kuyandra, akuyakeni ka kereke.

I Kor 14:17

Hikuva, kunene, akukhensa kwaku i kunene, kambe mumbeni angayakiwi.

I Kor 14:26

Vamakweru, ke, i swakuyini xana? Loko n'wihlengeletana, mun'wana-ni-mun'wana ani psalma, kumbe dondro, kumbe Apfuletelo, kumbe lidrimi drimbeni, kumbe ntlhamuxelo; hinkwaswu aswiyentxeliwi kuyaka.

I Kor 14:31

Hikuva hinkwenu n'wingaprofeta, ha mun'we-ha-mun'we, akuva hinkwavu vadondra vava vamiyeteliwa;

I Kor 8:1

Mayelano ni mintxhumu leyi miphahleliwiki a swikwembu swakuka-ndlela, haswitiva leswaku hinkweru hini vutivi. A vutivi byiyentxa leswaku a mhunu atikukumuxa, kambe a lirandru drayaka.

II Kor 1:4

Hi Yene lweyi amiyetaka amahlomulweni hinkwawu, akuva hitamiyeta lava vanga kuxanisekeni ka kunhati, hi kumiyeta loko na hine mfuri himiyetiwaka ha kone hi Xikwembu Nkulukumba!

II Kor 2:7

Swayapswa swoswi n'wimudrivalela, n'wimumiyeta, akuva n'wingati musindrisa kurwala kuvaviseka lokukulu ngopfu.

Ef 4:29

Kungavi huma a ritu ni drin'we ledri nfani amilon'wini yenu; kambe ntsena ledringadrinene driyakisaka hi mfanelo, xileswo, driyentxela leswinene ku lava vadriyingelaka.

Ef 6:22

lweyi ni murumeliki swone ku n'wine, akuva n'witiva amahanyela yeru, yene arulise timbilu tenu. Atan'widrungulela madrungula hinkwawu hi tlhelo dreru, hi kutiyisa atan'winyika ngopfu a xixixi.

Va-le-Kolosa 4:8

Lweyi ni murumeliki ku n'wine ni nkongometo mun'we wa kun'witivisa leswaku hi trhamisi ku yini, ni kun'witisela ntxhavelelo,

I Tsl 2:11

Swanga hileswi n'wiswitivaka, malayela lawa hiviki na wone ni kutxhavelela ku mun'wana-ni-mun'wana, swanga tatana lweyi alayaka n'wanakwe;

I Tsl 2:3

Hikusa akurera kweru akavanga hi kukanganyisa, nambi ha xambya, nambi hi marengu.

I Tsl 3:2

ni kun'wirumela Timotewu, a makweru, a mutiri wa Xikwembu Nkulukumba a Ivhangeleni ya Kriste. Himurumi akun'witiyisa ni kutxhavelela avupfumeli byenu,

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

I Tsl 4:18

Hikolahu-ke, txhavelelanani van'we ku van'wana hi maritu lawa.

II Tsl 3:12

Hidjula kun'wileleta hi kuswihanyisisisa ku lava kunhati, hi vito dra Hosi Yesu, leswaku a vatire hikurula ni kukuma kati ledri vadaka.

I Tmt 1:4

ni leswaku vangayingiseti swihitana ni milongoloko leyi mingagamiki ya swiloso swa tinxaka, leswi vangaka timholova, matrhan'wini ya kukombisa a makungu ya Xikwembu Nkulukumba, mafambelanaka ni kupfumela.

I Tmt 4:13

Tinyiketeli akuhlayeni ka Matralwa, akutratriyeni, ni le kudondriseni kukondra nitlhasa.

I Tmt 6:2

Nakone lava vangani vinyi lava na vone vanga vapfumeli, vangavadreli hi leswi vanga vamakwavu; kambe avavatireli ngopfu, hikusa lava vatireliwaka i vapfumeli ni varandriwa. Dondrisa a mintxhumu leyi hinkwayu na utratriya.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

Tito 1:9

anamarelaka aritwini ledri dra kudumbeka ledri drifambelanaka ni dondro, akuva akota a kutiyisa hi dondro leyinene, ni kukholwisa a vakaneti.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

Tito 2:6

Tratriya na vone lava vampswha leswaku vatikhoma;

Tito 2:9

Tratriya swikarawa leswaku swiyingiseta a vinyi vaswone ku mintxhumu hinkwayu, swiva leswi switrhavisaka, na swingavi vakaneti;

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

Va-Heberu 3:13

Kambe kutlula leswo, tratriyananani siku drin'wana ni drin'wana, loko kehe siku ledri drihlayiwaka namuhla, kungatitxhuka kuva na mun'we lweyi atinonon'hwisaka hi kukanganyisiwa hi xidoho.

I Ptr 5:12

Nin'witraleli a maritunyana lawa ha Silivano, ku mine anga makweru wa kudumbeka, na mine nimuvonisa xiswoswo, na nin'witratriya, nibeka ni vumboni, leswaku leti i timpswalu ta xihlayelamfuri ta Xikwembu Nkulukumba; tiya ku tone.

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.