I Kor 14:1 - Testamente Ledrimpswha ni Mapsalma

¹ Landrelelani a lirandru, n'widjulisisa ni tinyiko ta Moya, kambe ngopfu-ngopfu akuva n'wiprofeta.

I Kor 14:1 Mawu Ofanana

Rm 12:6

leswi hingani tinyiko leti hambaniki, hikola ka timpswalu leti hi nyikiwiki tone: Lweyi angani nyiko ya kuprofeta, afanela kuyi tirisa hi kulandra kupfumela kwake.

Rm 14:19

Xileswo ahidjuleni mintxhumu leyi minyikaka kurula na mi hi pfuna kutiyisa kupfumela ku van'we ni van'wana.

Rm 9:30

Hitahlaya yini hi leswi? Hidjula kuhlaya leswaku a va-Matiko afa vanga djulisisi kululama, vakuyamukeli mayelana ni kupfumela loku ka kululama;

I Kor 12:1

Vamakweru, mayelano ni tinyiko ta Moya, anidjuli leswaku n'wikohleka.

I Kor 12:31

Kambe djulisisani a tinyiko leti tingani lisima ngopfu. Nakone, nan'wikomba a ndlela leyi yinga yone swinene.

I Kor 13:13

Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.

I Kor 13:2

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

I Kor 14:22

Hikolahu-ke, a kuvulavula tindrimi i xikombiso, kungali ku lava vapfumeliki, kambe ku lava vangapfumelikiki; kasi a vuprofeta i xikombiso, kungali ku lava vangaliki vapfumeli, kambe ku lava vanga vapfumeli.

I Kor 14:37

Loko a wa kukari apimisaka leswaku i muprofeta kumbe leswaku i wa moya, ativisise leswi nin'witralelaka swone, leswaku i leleto dra Hosi;

I Kor 14:39

Xileswo, vamakweru, khinyelani kuprofeta, na kone n'wingasivele a kuvulavula hi tindrimi timbeni.

I Kor 16:14

Yentxani mintxhumu yenu hinkwayu hi lirandru.

Ef 1:3

A kutlangeliwe Xikwembu Nkulukumba, Tatana wa Hosi yeru Yesu Kriste, angahikatekisa hi matovoko hinkwawu ya moya amimbangwini ya le Matilweni, ha Kriste.

I Tsl 5:20

N'wingadreli a vaprofeta.

I Tmt 4:14

Ungatrike a kubekisa a nyiko leyi yinga ku wene, leyi unyikiwiki yone hi vuprofeta ni hi kuntlhantekiwa mavoko hi nkulu wa kereke.

I Tmt 5:10

ani vumboni bya leswaku aveni mintiro minene, awundli swinene a vana vakwe, arureli vayeni, ahlampswi a minkondro ya vahlawuleki, apfuni vaxaniseki, ni leswaku a tinyiketeli amintirweni hinkwayu le minene.

I Tmt 6:11

Kambe wene, mhunu wa Xikwembu Nkulukumba, tingawula a mintxhumu yoleyo; uva udjuletela a kululama, ni vukhongoti, ni vupfumeli, ni lirandru, ni kutiyisela, ni kunabyala.

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

II Ptr 1:7

hi vukhongoti, n'wirandrana, hi kurandrana ka lirandru.

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.