I Kor 12:2 - Testamente Ledrimpswha ni Mapsalma

² N'waswitiva leswaku ankama afaka n'wili va-Matiko, afa n'wikokeliwa ku swikwembu swakuka-ndlela, leswi swingavulavuliki, n'wifambisiwa handle ka ndlela.

I Kor 12:2 Mawu Ofanana

Mt 15:14

Vatrikani, i vakufa-mahlu lava vafambisaka a vakufa-mahlu kulobye. Loko mun'we wakufa-mahlu afambisa mun'wana wakufa-mahlu, vatayawela akheleni hi vubiri byavu.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Gl 4:8

Kambe n'wine khale afa n'wingativi Xikwembu Nkulukumba, afa n'witirela swikwembu leswi afaka swingeswone.

I Tsl 1:9

Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Ptr 1:18

na n'witiva leswaku angavanga hi mintxhumu leyi mibolaka swanga silivela kumbe gole n'witiruliwiki amahanyeleni yenu ya kuka-ndlela, lawa n'wisiyeliwiki hi vatatana venu,

I Ptr 4:3

Hikuva wadringana a nkama lowu wukhalutiki, na n'wiyentxa a kurandra ka va-Matiko, hi kufambela vuwoswanini, ni kunaveleni loku kumfani, vupopswini, ni le minkhubyini ya kuda, ni le kugandreleni ka kunyenyentsa ka swikwembu swakuka-ndlela.