I Kor 10:13 - Testamente Ledrimpswha ni Mapsalma

¹³ An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

I Kor 10:13 Mawu Ofanana

Mt 6:13

Ungahiyise akudringiweni, kambe hihuluxe ku lwe mfani.

Lk 11:4

Hidrivalele a swihono sweru, swanga hi leswi na hine hi drivalela mun'wana-ni-mun'wana lweyi angani nandru ku hine. Nakone ungahitrike hiwela mindringweni.

Lk 16:26

Mfuri, kubekiwi a xiwa lexi xikulu amakari kweru na n'wine, akuva lava vanga halenu, lava vadjulaka kutremakanya vaya halanu ku n'wine vangaswikoti, nambi lava vanga kohalanu loko vadjula kuta halenu.

Lk 22:46

Aku ku vone: N'wikhutriyelela yini xana? Pfukani n'wikhongota, n'wingatinhingena kudringiweni.

Mintiro Ya Vapostola 27:44

Ni leswaku lava vasaliki vahuma hi mapulangu, van'we hi ntxhumu vawukumaka wa ngalawa. Swoleswo hinkwavu vahuluka, vayatlhasa asaveni.

I Kor 1:9

Xikwembu Nkulukumba awadumbeka, lweyi ha Yene n'wivitaniweliki kuva kun'we ni N'wanakwe Yesu Kriste, Hosi yeru.

II Kor 1:10

anga Yene lweyi ahihuluxiki ku lifu ledri drikulu; ku lweyi hilavisela leswaku ahataya mahlweni ahihuluxa mfuri.

I Tsl 5:24

Lweyi a n'wihlawuliki a dumbekile, na ata yentxa leswi a dumbisiki swone.

II Tsl 3:3

Kambe a Hosi yidumbekile. Yone yitan'winyika ntamu ni kun'wibiyelela vubihini.

II Tmt 4:18

Hosi yita ni huluxa mintirweni hinkwayu leya kubiha, yi ni bekisa Mfun'wini wa yone wa le Matilweni. A kutwala a kuve ku yone hi minkama ni minkama. Amen.

Va-Heberu 10:23

Ahi bekiseni hi kutiya kutihlaya ka kulavisela kweru, hikusa lweyi anga ahi dumbisa awa dumbeka na Yene.

Va-Heberu 11:11

Hikupfumela na yene Sara, akumile ntamu wakuva ni nyimba, ava abeleka nambi loko aduhwalile ngopfu, hikusa afa ali ni kudumba ku lweyi afaka amudumbisile.

Va-Heberu 12:4

Hikuva ayimpini yenu ni xidoho, an'wisanganalwa n'wikondra n'wihuma ngati,

Va-Heberu 6:18

akuva hi kuhangwesa, leti tibiri tingeke na kuhela, inga leti swingakotekiki leswaku Xikwembu Nkulukumba ahemba ha tone, hi ndlela leyi hine hikumiki xitiyiso lexi xa ntamu, hi fanela kukhoma kulavisela loku bekiwiki mahlweni kweru;

I Ptr 4:19

Hileswo-ke, lava vaxanisekaka hi kulandra a kurandra ka Xikwembu Nkulukumba, avanyikeli a mahika yavu hi kuyentxa leswinene, ku Mutumbuluxi lweyi adumbekaka.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

I Yhn 1:9

Loko hitihlaya swidoho sweru Xikwembu awadumbeka, alulamile kuhi drivalela swidoho sweru ni kuhi basisa avusombolokeni hinkwabyu.

Mpfuletelo 19:11

Kutani ni vona tilo na dripfulekile; kuvoneka a hanxi ledra ntlhohe. Lweyi a drikhandriyiki ahlayiwa Mudumbeki ni waxihlayelamfuri. Atrema, alwa hi kululama.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.