I Kor 10:11 - Testamente Ledrimpswha ni Mapsalma

¹¹ A mintxhumu leyi mivahumelelile swanga swikombiso, kutani mitraliwile akuva mihikhwavela; hine hikumiwiki hi vugamu bya minkama.

I Kor 10:11 Mawu Ofanana

Mt 13:39

A nala lweyi abyaliki lihungu hi yene Diyavulosi, lava vanga vahlengeleti va ntrhovelo i tintrumi.

Mt 13:40

Swanga hi leswi a lihungu drihlengeletiwaka dritrimbeleliwa vadritxukumetela andrilweni vadrihisa, switava swoswo ni le kuheleni ka misava.

Rm 13:11

Nihlaya leswo ku n'wine n'witivaka nkama: Leswaku i nkama wa kupfuka vurongweni; a huluxo dreru dri kusuhi ngopfu kutlula loko hi yamukeliki vupfumeli.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

Rm 15:4

Kutani hinkwaswu leswinga kone Matralweni ya Kuhlawuleka switraliwi kuva ndondriso yeru, leswaku hikulehisa mbilu, ni kutiyisiwa hi matralwa, hiva ni kulavisela.

Rm 4:23

Kambe a switraliwanga hikola kwake ntsena leswaku a hlayeliwile kululama.

I Kor 10:6

A mintxhumu leyo miyentxiwi xikombiso ku hine, akuva hinganaveli a swakubiha, swanga hi leswi vone vanaveliki.

I Kor 7:29

Kambe nihlaya leswi, vamakweru: A nkama wugomile, kusukela swoswi, lava vangani vasati avave swanga hi loko vangali navu,

I Kor 9:10

Kumbe xana angahlayi leswo hikola kweru? Hikuva, kunene, kutraliwi hikola kweru leswaku lweyi adrimaka, afanekela a kudrima na ani kulavisela, ni lweyi ahulaka mavele, alavisele a kuyamukela a yavelo drakwe.

Gl 4:24

Amintxhumu leyi ya kufananisa; hikusa a vasati lava vabiri vakombisa swipfumelelanu swibiri: a xin'we hi xa le Nhaveni ya Sinayi, xikombisaka Agari lweyi a pswalaka vana vavukarawa.

Va-le-Filipiya 4:5

Akunabyala kwenu akutibyiwe hi vhanu hinkwavu; a Hosi yi kusuhi.

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

Va-Heberu 10:37

Hikusa kaha sali nkamanyana, lweyi ataka, atata, angaka angahlweli mfuri.

I Yhn 2:18

Vana vanga, a nkama wa vugamu hi wolowu, swanga hileswi n'wiswiyingeliki leswaku a Nala wa Kriste (anti-kriste) atata, ni swoswi vunyingi bya valala va Kriste(va antikriste) vahumelela; hikola ka leswo haswitiva leswaku hiwolowu nkama wa vugamu.