I Kor 1:30 - Testamente Ledrimpswha ni Mapsalma

³⁰ Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

I Kor 1:30 Mawu Ofanana

Mt 1:21

Maria atava ni n'wana wa wandrisanyana, wene utamutxhula a vito dra Yesu, hikusa hi yene atakahuluxa tiko drakwe aswihonweni swa drone.

Lk 11:49

Hilaha-ke na byo vutivi bya Xikwembu Nkulukumba byihlayiki byiku: Nitavarumela vaprofeta ni vapostola, a van'we vata vadlaya, vataxanisa van'wana;

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 17:26

Nivativisi vito draku, nahatavativisa, akuva lirandru ledri unirandriki ha drone, driva ku vone, na mine niva ku vone.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

Rm 11:36

Hi leswaku hinkwaswu swipfi ku Xikwembu Nkulukumba ni hinkwaswu swi kone ha Yene na i swake. Ku Xikwembu Nkulukumba akuve lidrumo hi minkama. Ni minkama Amen.

Rm 12:5

Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana;

Rm 16:11

Nitlhasiselani na swone madrungula ku Herodiyoni, xaka dranga, ni ku vandangu wa Narkiso lava pfumelaka Hosini.

Rm 16:7

Drungulani Andriniko na Juniya, a maxaka yanga, vabohiwakulori. Vatibyiwa ngopfu makari ka varumiwa lava dumbekiki ku Kriste varangela mine.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 4:6

Swanga hileswi na yene Davida akhensaka ku kateka ka mhunu lweyi Xikwembu Nkulukumba ximunyikaka kululama, na kunge hi mintiho:

Rm 5:19

Hakuva hikutiyalisa ka mhunu mun'we ntsena, hinkwavu vandruluki vadohi, swanga hi kuyingiseta ka mun'we ntsena, hinkwavu vandruluki lava vanene.

Rm 5:21

Akuva leswi, axidoho xifumiki a lifu, kambe na tone timpswalu ti kota kufuma hi kululama a vuton'wini lebyi byingahelikiki, hikola ka Yesu Kriste, a Hosi yeru.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Rm 8:23

Ahi ntsena misava, kambe na hine lava hinga ni masungulo ya Moya, na hine haxaniseka ndreni kweru na hirindrela nkama wa kuyentxiwa vana, akuntrhunxeka ka miri yeru.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

I Kor 1:2

ku Kereke dra Xikwembu Nkulukumba ledri dringa Korinto, lava vaxwengisiwiki ku Kriste Yesu, vavitaneliwiki kuva vahlawuleki, ni hinkwavu, lava mimbangwini hinkwayu vakhongotaka a vito dra Yesu Kriste, Hosi yavu ni yeru.

I Kor 1:24

Kambe ku lava vavitaniwiki, va-Yuda kumbe va-Girika, Kriste i ntamu wa Xikwembu Nkulukumba ni vutlhari bya Xikwembu Nkulukumba.

I Kor 12:18

Kambe swoswi, Xikwembu Nkulukumba abeki a swiro: xin'wana-ni-xin'wana amirini, hi laha arandriki ha kone.

I Kor 12:27

N'wine n'wi miri ya Kriste; na kone n'wi swiro swake, mun'wana-ni-mun'wana.

I Kor 12:8

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;

I Kor 4:15

Hikusa nambi n'wingavani dzana dra madzana ya vadondrisi ku Kriste, kambe an'wina vatatana vanyingi, hikuva hi mine nin'wibelekiki ku Yesu Kriste, hikola ka Ivangeli.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

II Kor 12:2

Nitiva mhunu lweyi anga ku Kriste, hi mpfhuka wa khume dra malembe ni mune, lweyi atekeliwiki tilweni dra vuraru; (Kumbe ahandle, kumbe andreni ka miri, aniswitivi, switiviwa hi Xikwembu Nkulukumba)

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Ef 1:10

Akuva atatlhanganisa mintxhumu hinkwayu ku Yene, kungava ya le Matilweni kungava ni yala misaveni, hiku hetiseka ka minkama.

Ef 1:14

Lowu wunga xirangana xa pfindla, ledri inga xidumbiso xakutirula lava vanga vakwe, ku lidrumu drakuphatima kwake.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Ef 5:26

Ayentxi leswo akuva adrihlawulekisa ni kudri basisa hi mati ni hi ritu drakwe,

Va-le-Filipiya 3:9

ni kuva ni kumiwa ku Yene, na ningena kululama kwanga loku kupfaka nawini, kambe loku kupfaka hi kupfumela ku Kriste,

Va-le-Kolosa 1:14

Lweyi ha Yene hingani kutiruliwa, kunga kudrivaleliwa ka swihono.

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 9:12

Kunge ha ngati ya swiphongo ni marole, kambe kuvi hi ngati yake, anhingenile kan'we a mbangwini lowu wa kuxwenga, ahikumeliki kutiruliwa loku kungahelikiki.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

I Yhn 5:6

Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.

Mpfuletelo 14:4

Volavo hi lava vangatihonangakiki hi vavasati, vangasiki yetlela ni vavasati. Lava hi vone valandraka Hambana hinkwaku lomu yi yaka kone. Hi lava vaxaviwiki a makari ka vhanu akuva swiva swirangana swihumexeliwaka Xikwembu Nkulukumba ni ku Hambana.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;