I Kor 1:26 - Testamente Ledrimpswha ni Mapsalma

²⁶ Vamakweru, yanakanyani-ke a kuvitaniwa kwenu; hikusa ahi vanyingi vavitaniwiki na vali tintivi hi kulandra a tlhelo dra nyama, mfuri ahi vanyingi a va ntamu kumbe a va mapswaliwela ya kutxhaviseka.

I Kor 1:26 Mawu Ofanana

Lk 1:3

Nakone, na mine ntrhaku kakuva nikambisisi hi vunyaminyami hinkwaswu leswi swihumeleliki kusukela akusunguleni, nikumi leswaku swingaxonga kukutralela swone, hi ndlela ya longoloko,

Lk 10:21

Ankameni lowo Yesu atitrhaveli Moyeni wa kuxwenga aku: Nakukhensa Tatana, Hosi ya Tilo ni misava, hi leswi ungafihlela a tintlhari ni vayingeli a timhaka leti, we kutipfuletela ku vatrongwana. Ahina, Tatana, nakutlangela hikuva we kuyentxa hi kurandra kwaku.

Mintiro Ya Vapostola 13:12

Loko a mufuminyana avoni leswi swihumeleliki, apfumela, hi leswi ahlamalisiwiki hi dondro ya Hosi.

Mintiro Ya Vapostola 13:7

Lweyi afaka ali na mufuminyana Serjiyo Pawulosi, wanuna wa vutlhari. Kutani aruma vavitana Barnabasi na Saulo, hikusa afa adjula kuyingela ritu dra Xikwembu Nkulukumba.

Mintiro Ya Vapostola 17:34

Kambe avan'we ku vone vanamarela ku yene, vandruluka vapfumeli. Amakari kwavu kavi na Diyonisiyo wa mu-Areopago, ni wansati, lweyi atxhuliwaka Damarisi, ni van'wana vavu.

Rm 11:29

Hikusa Xikwembu Nkulukumba asusi leswi aswi nyikaka nambi kuhlawula leswi swiyentxaka.

I Kor 1:20

Yi kwini a ntlhari? A kwini a mutrali? A kwini a muphikisi wa minkama leyi? Xikwembu Nkulukumba angayentxanga leswaku a vutlhari bya misava leyi byindruluka vusinge xana?

I Kor 2:13

a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya.

I Kor 2:8

vutlhari lebyi ni mun'we ku varangeli va minkama leyi abyitiviki; hikusa loko afa vabyitivile, ana vangavambanga axihambanwini a Hosi ya kuphatima.

Va-le-Filipiya 4:22

Hinkwatu tinsasi, ngopfu ata yindlu ya Khezari.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

II Yhn 1:1

Mine murangeli lwenkulu, ni tralela nkosikazi leyi yilangiwiki, ni vana va yone lava ni varandraka hi xihlayelamfuri, kutani ange mine ntsena, kambe na kone, ni hinkwavu lava tivaka xihlayelamfuri.