I Kor 1:23 - Testamente Ledrimpswha ni Mapsalma

²³ kambe hine hihuwelela Kriste lweyi avambiwiki axihambanwini, leswi swinga xikhunguvanyiso ku va-Yuda na kone swinga vusinge ku va-Matiko.

I Kor 1:23 Mawu Ofanana

Mt 11:6

Akatekile lweyi angakhunguvanyekiki hikola kwanga.

Mt 13:57

Hikolahu ka swone vakhunguvanyeka ha Yene. Kutani Yesu aku ku vone: A muprofeta angapfumali xitxhavu, loko kunge ka lekwavu ni le ndlwini yake.

Lk 2:34

Kutani Simiyoni avatovokisa, ahangabyela Maria mamana wa Yesu aku: Lavisa, Maria, a ntrongwana lweyi atawisa ni kupfuxa lava va kutala a Israyeleni. Nikuva xikombiso lexi xitaka landruliwa hi lava vanyingi,

I Kor 1:18

Kunene, a ritu dra xihambano i vusinge ku lava valahlekiki; kambe ku hine hiyamukeliki huluxu, i ntamu wa Xikwembu Nkulukumba.

I Kor 1:21

Hikusa leswi, a vutlharini bya Xikwembu Nkulukumba a misava mingamutivangakiki Xikwembu Nkulukumba hi vutlhari bya yone, Xikwembu Nkulukumba atirandreli a kuhuluxa a vapfumeli hi vusinge bya kurera a Ivangeli.

I Kor 1:28

na kone Xikwembu Nkulukumba ahlawuli a mintxhumu leyi ya kutrongahateka amisaveni, ni leyi midreliwaka, ni mintxumu leyi mingaliki kone, akuva ahelisa a mintxumu leyi minga kone;

I Kor 2:14

Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya.

I Kor 2:2

Hikusa afa nititrimbeli leswaku ningadjuli kutiva swimbeni amakari kwenu loko kungali Yesu Kriste ntsena, Kriste lweyi avambiwiki axihambanwini.

I Kor 4:10

Hinkonta ya Kriste hine hi swihunguki; kambe n'wine n'wi tintivi ku Kriste; hine hi va gome, kambe n'wine n'wi va ntamu; n'wine n'wi va kutxhaviseka, kambe hine hayeyisiwa.

II Kor 4:5

Hikusa ahi tireri hine, kambe hi rera Kriste a Hosi, mfuri hine vatiri venu hinkonta ya Kriste.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

Gl 5:11

Kambe loko ali mine vamakweru, loko na ha rera a kusoka, xana na ha xanisiwela yini? Kolahu a xikhunguvanyiso xa xihambanwini afa xitahela.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.