I Kor 1:13 - Testamente Ledrimpswha ni Mapsalma

¹³ Xana hileswaku Kriste ayavanile? Xana avi Pawulosi lweyi afeliki n'wine axihambanwini? Kumbe n'wibabatisiwi hi vito dra Pawulosi?

I Kor 1:13 Mawu Ofanana

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Mt 3:6

Afa vababatisiwa ha yene anambyeni wa Yordana, na vatihlaya swidoho swavu.

Mintiro Ya Vapostola 10:48

Kutani aleleta leswaku vababatisiwa avitweni dra Yesu Kriste. Ntrhaku vakombela Petrosi leswaku atrhamisa na vone masikunyana.

Mintiro Ya Vapostola 19:5

Ntrhaku ka kuyingela leswo, vahanga babatisiwa avitweni dra Hosi Yesu.

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mintiro Ya Vapostola 8:16

hikuva afaka wungasinaxikela ni mun'we ku vone; afa vababatisiwa ntsena, avitweni dra Hosi Yesu.

Rm 14:9

Hileswo-ke, Kriste afile atlhela ahanya akuva atava Hosi ya vafi ni vahanyi.

I Kor 1:15

xi swoswo akuna mhunu lweyi angahlayaka leswaku ababatisiwi avitweni dranga.

I Kor 10:2

hinkwavu vababatisiwi ku Moxe, atlavini ni le lwandle.

II Kor 11:4

Hikusa, loko kunene kutlhasa mun'we, arera Yesu mumbeni lweyi hingan'wibyelangakiki, kumbe n'wipfumela kuyamukela moya wakuhambana ni lowu n'wiwuyamukeliki, kumbe ni Ivangeli leyi hambanaka ni leyi n'wiyi yamukeliki, lweyo, n'wamuyamukela swinene.

Gl 1:7

Ahi leswaku yi kone yin'wana Ivangeli, kambe hileswaku kuni van'wana vhanu van'wipfilunganisaka, vadjula kun'windrulutela Ivangeli ya Kriste.

Ef 4:5

A Hosi i yin'we ntsena, kupfumela i kun'we ntsena, babatiso i drin'we ntsena;

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene