II Tmt 4:7 - Testamente Ledrimpswha ni Mapsalma

⁷ Nilwile akulwa loku kunene, niheti akutrutruma kwanga, nibeki akupfumela kwanga.

II Tmt 4:7 Mawu Ofanana

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Yohana 17:6

Nivonekisi vito draku amahlweni ka vhanu lava uninyikiki vone, uvahlawuliki misaveni; afa vali vaku; uninyiki vone, kutani vabekisi ritu draku.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Mintiro Ya Vapostola 13:25

Kambe loko Yohana aheta a ntiro wakwe, aku ku tiko: N'wiyanakanya leswaku ni mani, n'wine? Ani yene lweyi n'wimuyanakanyaka. Kambe antrhaku kwanga kuta lweyi mine ningafanelikiki kuntrhunxa a tingoti ta tintangu aminkondrweni yake.

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Gl 2:2

Niyi kone hi kupfuleteliwa; nivatlhamuxeli Ivangeli leyi ni reraka ku va-Matiko, kambe ni swiyentxi xihundleni ku lava afaka va voneka swanga hi loko vali kutwala ka ntamu ku van'wana, akuva kuyentxeka leswaku, ninga trutrumi, kumbe ni va lweyi atrutrumiki mahala.

Va-le-Filipiya 1:30

leswi n'winga ni kulwa loku n'winga ku vona ku mine, ni swoswi n'wiyingelaka leswaku ku kone ku mine.

I Tmt 1:18

A leleto ledri nidrinyikaka wene n'wananga Timotewu, swanga hi kulandra a kuprofeta loku kuyentxiwiki hi tlhelo draku, leswaku ha kone, ulwa akulwa loku kunene,

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

I Tmt 6:20

Ke we' Timotewu, bekisa leswi swibekiwiki ku wene hi kudumbeka, udrela a swivula-vula swakuka-ndlela ni swakusandra, ni kukanetana ka kutiva loku kuhlayisiwaka xiswoswo na kungali kutiva;

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

II Tmt 3:10

Kambe wene unilandrisisi adondrweni yanga, ni le mahanyeleni, ni le makungwini, ni le kupfumeleni, ni le kunabyaleni, ni le lirandrwini, ni le kutiyiseleni.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 3:8

Nitiva a mintiro yaku. Vona, ni beki amahlweni kwaku a xipfalu lexi xipfulekiki, xipfalu lexi kungaliki na mhunu lweyi angaxipfalaka, hikusa uni ntamunyana, na kone ubekisi a ritu dranga, ni vito dranga awudrilandrulanga.

Mpfuletelo 6:11

Kutani vanyikiwa, mun'wana-ni-mun'wana a xiyambalu xa ntlhohe, vava vabyeliwa leswaku vawisa hi nkamanyana wutrongo, kukondra kutlhanganisiwa a nhlayo ya malandra-kulobye ni vamakwavu lava na vone afaka vatadlayiwa swanga ha vone.