II Ptr 1:8 - Testamente Ledrimpswha ni Mapsalma

⁸ Hikusa leswo loko swili kone ku n'wine hi ntalu, ku n'wine swiyandra, swin'wiyentxa akuva n'wingavi lava valolohaka, nambi kuva n'wingabeki mihandru akutiveni ka Hosi yeru Yesu Kriste.

II Ptr 1:8 Mawu Ofanana

Mt 13:22

Kambe lweyi abyaliwki amitweni hi lweyi ayingelaka a ritu, kutani a kuhlatiyela ka nkama lowu ni kukanganyisa ka vukosi swikamalata a ritu, drindruluka dringabeki mihandru.

Mt 20:3

Atlhela ahuma hi nkama wa vuraru, lowu wukombisiwaka hi nkama wa vuntlhanu na mune(09:00h) wa mixo a mahlayeleni yeru, avona van'wana lava afaka vayimi hubyini na vangena ntiro.

Mt 20:6

Atlhela ahuma hi nkama wa vukhume na mun'we (11) aya ahubyini akuma van'wana vhanu na vayimile. Aku ku vone: Xana n'wiyimeli yini lahu a siku hinkwadru na n'wingatiri ntxhumu?

Mt 25:26

Kambe a hosi yake yimuyangula yiku ku yene: Mutiri lweyi mfani wa kulolohwa. Afa uswitiva leswaku nitrhovela lomu ningabyalangakiki kone, niva nihlengeleta lomu ningahlwanyangakiki kone.

Yohana 15:2

A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

Yohana 5:42

kambe nan'witiva leswaku, an'wina lirandru dra kurandra Xikwembu Nkulukumba timbilwini tenu.

Rm 12:11

N'wingavi malolo akukhinyeleni kwenu, pfurani moyeni, n'witirela Hosi.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

II Kor 13:5

Tikambani lipfalwini kutani n'wivona leswaku mehe kupfumeleni, tiyanakanyani; kumbe an'wiswitivi leswaku Yesu Kriste ale ku n'wine? Kambe loko swinge tanu, an'wina kuyamukeliwa!

II Kor 8:2

Hikusa andreni ka mindringo leyi minyingi ya kuxaniseka, avusiwaneni byavu lebyi byikulu vayandrisile vupfundri bya kuhanana kwavu.

II Kor 8:7

Swanga hi leswi n'witraleliwiki matlhelo hinkwawu, akupfumeleni, ni le kuvulavuleni, ni le kutiveni, ni le kukhinyeleni hinkwaku, ni le kurandreni, tralelani ni le ntirweni wa timpswalu.

II Kor 9:14

Na vone vakhongota hinkonta yenu, hikuva van'wirandra ngopfu, hinkonta ya timpswalu leti tikulu ta Xikwembu Nkulukumba leti tingana n'wine.

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

Va-le-Filipiya 2:5

Vanani ni kuyanakanya kun'we ni loku afaka kuli ku Kriste Yesu:

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 2:7

n'widzima mitru na n'witiseketela ku yene, n'witiya kupfumeleni kwenu, hi laha n'widondrisiwiki ha kone n'winyika kutlangela Xikwembu Nkulukumba minkama hinkwayu.

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

I Tmt 5:13

na kone mfuri vadondra a kuloloha, vafamba-famba hi ma kaya ka vhanu, angali kuloloha ntsena, kambe ni kuvulavula ngopfu ni kutinhingenisela lomu vangavitaniwangakiki, na vavulavula leswi vangafanelikiki.

Tito 3:14

Na vone a vaka-kweru avadondre a kutinyiketela amintirweni leminene lomu kunganikuvilela, akuva vangativa lava vakuka-vangabindruli mihandru.

Filimoni 1:6

Kukombela kwanga hileswaku a ntlhanganu wa kupfumela kwaku kuva loku tiraka hintamu, akutiveni ka hinkwaswu leswi nene leswiyentxeliwaka Kriste amakari kwenu.

Va-Heberu 6:12

akuva n'wingavi lava valolohaka, kambe n'wiva lava vayetisaka lava vadiki pfindla dra xidumbiso hi kupfumela ni kulavisela.

II Ptr 1:2

A timpswalu ni kurula aswin'witaleli, akutiveni ka Xikwembu Nkulukumba na Yesu Kriste, Hosi yeru.

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

II Ptr 2:20

Hikolahu ka leswo, loko ntrhaku n'wihulukile kuhonekeni ka misava hi kutiva Hosi yeru ni Muhuluxi Yesu Kriste, amatrhamelo yavu mandruluki matlula lawa ya kusungula hi kubiha.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.