II Kor 8:9 - Testamente Ledrimpswha ni Mapsalma

⁹ hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

II Kor 8:9 Mawu Ofanana

Mt 17:27

Kambe, akuva hingavakhunguvanyisi, yana alwandle uyatxukumetela a ndrovo, utaphasa nhlampfi leyi yitakaranga kuhuma; loko utava upfuli nomu wa yone, utakuma kone statera; xiteke, uvanyika, uhumexela mine na wene.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Marka 6:3

Xana lweyi, ahi yene lweyi wa muvatli, n'wana Maria ni makwa Yakobe, na Yosefa, na Yudasi, na Simoni? Xana a vamakwavu va vaxisati ava kola kweru, xana? Kutani vakhunguvanyeka ha Yene.

Lk 16:11

Loko-ke n'wingadumbekanga avukosini lebyi bya kuka byingalulamanga, xana i mani lweyi atakan'widumbela vukosi lebyi byinga byone?

Lk 2:7

Ahangaphuluka a n'wanakwe wa wandrisanyana wa mativula, amutrondriyela hi makapulana, amulata nkumbyini hikusa afa wungekone mbangu wa kuyanela vone andlwini ya vayeni.

Lk 8:3

na Yowana nkata Kuza, a ndruna ya Heroda, na Suzana, ni van'wana lava vanyingi lava afaka vapfuna Yesu ni vadondrisiwa vakwe hi leswi afaka vali naswu.

Lk 9:58

Yesu aku ku yene: A mabuwana mani mimpala, ni tinyanyana tini vusaka, kambe a N'wana wa Mhunu angana laha angadamaka nhloko yake kone.

Yohana 1:10

A Ritu afa drili kone misaveni; ni misava mitumbuluxiwi ha drone, kambe a misava amidritivanga,

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Yohana 12:30

Yesu avayangula aku: A ritu ledri adritwalanga hikola kwanga, kambe dritwali hikola kwenu.

Yohana 16:15

Hinkwaswu leswi Tatana anganaswu, i swanga. Hi laha ningahlaya leswaku leswi atakan'witivisa swone, ataswikuma ku mine.

Yohana 17:19

Kutani nitixwengisela vone, akuva na vone vava lava vaxwengisiwiki axihlayelamfurini.

Rm 11:12

Xileswo, loko a xidoho xavu xindruluki kulondrovota ka misava, na kone a kuhluleka kwavu kutireli vupfundri ku man'wana matiko, ngopfu-ngopfu kundruluka kwavu atava tovoko ledri drikulu.

Rm 15:3

Hikusa na kone Yesu angadjulanga leswinga munyoxisaka. Swanga hi leswi kutraliwiki: A swifingeto swa lava afaka vakufingeta swi weli henhla kwanga.

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

I Kor 1:4

Nitlangela Xikwembu Nkulukumba wanga minkama hinkwayu ha n'wine, hinkonta ya timpswalu leti Xikwembu Nkulukumba an'winyikiki tone ha Yesu Kriste,

I Kor 15:47

A mhunu wa kusungula, avumbiwiki kusukela amisaveni, i wa misava, a mhunu wa vubiri i wa tilo.

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 3:19

Akuva mitakota kutiva lirandru dra Kriste, nambi leswi yene atlulaka mintamu ya kukari ni kukoteka ka vutivi, akuva Xikwembu Nkulukumba an'witata hi nhlengwe yake hinkwayu.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.