II Kor 7:7 - Testamente Ledrimpswha ni Mapsalma

⁷ Kunge hi kutlhasa kwake ntsena, kambe nihi kumiyetiwa loku a miyetiwiki ha kone ha n'wine, na hitivisa ni kunavela kwenu, ni kudrila kwenu, ni kukhinyela kwenu ha mine, lakakuva kuyengeteleka ni kutrhava kwanga.

II Kor 7:7 Mawu Ofanana

Mt 26:75

Petrosi ahangadrimuka a maritu ya Yesu lawa afaka amubyeli: Na nkuku wungasiyimba, utava unilandruli kuraru. Kutani ahuma handle, ayadrila hi xiviti.

Mt 5:4

Vakatekile lava vadrilaka, hikusa vatamiyetiwa!

Lk 22:44

Kuti loko ali kuvavisekeni loku kulu, atshimisisa kukhongota, lakakuva ni nyuku wakwe wuva wufana ni mantrhonsi ya ngati lawa mathonelaka misaveni.]

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Rm 1:12

Hi leswi swaku, akuva kun'we na n'wine, mine nitiyisiwa hi kupfumela loku hinga na kone, ku n'wine ne ku mine.

I Kor 5:2

Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!

II Kor 1:14

swanga hi leswi swoswi n'wihitivaka hi tlhelo, leswaku hine hikutikulisa kwenu, swanga hi leswi na n'wine n'winga kutikulisa kweru hi siku dra Yesu, Hosi Yeru.

II Kor 1:4

Hi Yene lweyi amiyetaka amahlomulweni hinkwawu, akuva hitamiyeta lava vanga kuxanisekeni ka kunhati, hi kumiyeta loko na hine mfuri himiyetiwaka ha kone hi Xikwembu Nkulukumba!

II Kor 2:9

Avi hikolahu ni n'witraleliki akuva ni n'wikamba ni kuvona leswaku n'winikuyingiseta.

II Kor 5:2

Hikola ka leswo, andlwini leyi ha konya, na hinavela ngopfu kuyambexiwa hi Yindlu yeru ya le tilweni.

II Kor 7:6

Kambe Xikwembu Nkulukumba lweyi atxhavelelaka lava vakaratekaka, ahi txhavelelile hi kutlhasa ka Tito.

II Kor 7:8

Hikuva nambi leswi ninga n'wivavisa hi papela dranga, anahatisoli ha swone, nambi kumbe loko ni tisolile, ni vona leswaku a papela ledro drin'wivavisile hi nkamanyana.

II Kor 8:16

Akutlangeliwe Xikwembu Nkulukumba lweyi abekiki mbilwini ya Tito akunavela ka kufana ni kweru ka kun'wipfuna.

Va-le-Filipiya 1:20

Swanga hi kulavisela ni kudumba kwanga, ka leswaku ningayentxisiwi tingana ha ntxhumu, kambe leswaku, Kriste atakulisiwa, swanga hi khale, ni swoswi amirini yanga, nambi kuli kuhanyeni, kumbe kufeni.

Va-le-Kolosa 2:5

Hikusa, nambi ninge kone hi miri, ni na n'wine hi moya; na trhava kutiva leswaku n'wine n'wihanya hi nawu wa hombe na n'witiyi kupfumeleni ku Kriste.

I Tsl 3:6

Kambe leswi Timotewu abuyiki swoswi, atatava na hine na ahitisela madrungula manene ya vupfumeli byenu ni lirandru, ni leswi n'wihidrimukisaka xiswone minkama hinkwayu, n'winikuhlunyela ngopfu kuhivona, swanga hileswi na hine hin'wihlunyelaka,

I Tsl 3:8

Hikusa swoswi hahanya, loko n'witiyili aHosini,

Va-Heberu 2:1

Hikolahu ka leswo, hi fanekeli kuva hi bekisa hikutiya, atimhaka leti hi tiyingeliki, akuva hingatxhuki hi lahlekelana na tone.

Yakobe 5:17

Eliya ave mhunu lweyi afaka ali ni mahanyela ya kufana na hine, akhongotile hikutiyisisa leswaku yi nga ni hi mpfhuka wa malembe mararu ni ntlhanu wa tihweti na yin'we, ayinanga a mpfula amisaveni.

II Yhn 1:4

Nive ni kunyoxa ngopfu hikuva ningakuma van'we ku vana vaku lava vafambaka tindleleni ta xihlayelamfuri, mayelanu ni niswileleto swa Xikwembu Nkulukumba Tatana.

Yd 1:3

Varandriwa, leswi ni khinyelisisaka kun'witralela swakuhuluka kweru, ave hikolahu nitiyingeliki nani sindriseka kun'witralela, ni n'witratriya ni n'witiyisa leswaku n'wilwela kupfumela loku a vapfumeli vanyikiwiki kone kan'we.