II Kor 7:11 - Testamente Ledrimpswha ni Mapsalma

¹¹ Hikusa lavisani, akuvaviseka kwenu loku, kurandriwaka hi Xikwembu Nkulukumba, kuvanga ku khinyela loku kulu; ni hi kuyangulela, ni hi kuhlundruka, ni hi kutrhava, ni hi kunavela, ni hi kuhiseka, ni hi kudriha! N'wivonekisi hinkwavu leswaku an'wina nandru amhakeni leyo.

II Kor 7:11 Mawu Ofanana

Marka 3:5

Yesu atiki avarala-rala hi mahlu na ahlundrukile, avaviseka hinkonta yakunonon'hwa ka timbilu tavu, aku ku nuna lweyo: Nalavuta a voko. Ahanga drinalavuta, dritlhela driwololoka.

Yohana 2:17

A vadondrisiwa vakwe vahangadrimuka leswaku kutraliwi: A nkhinkhi hinkonta ya yindlu yaku yita ni da.

Mintiro Ya Vapostola 17:16

Pawulosi na ahavalavisela a Atena, a moya wakwe wuhlundruka andreni kwake, loko avona a muti na wutali hi swifaniso leswi swigandreliwaka.

Rm 11:20

Switiyile. Tiphatluliwi hinkonta ya kukala kupfumela, kasi swoswi wene uyimi mbangwini lowo hikusa unikupfumela. Kambe ungatikukumuxi hinkonta ya leswo. Hikuhambana tivonele.

Rm 14:18

Lweyi atirelaka Kriste hi ndlela leyo, anyoxisa Xikwembu Nkulukumba na swini kuyamukeliwa hi vhanu.

Rm 3:5

Kambe loko akukala kudumbeka kweru kubuyisa kuvaninga ka kudumbeka ka Xikwembu Nkulukumba, hi hlaya yini? Xana Xikwembu Nkulukumba atava mubihi loko ahi khatisa?

I Kor 12:25

akuva a kutravukana kungativa kone amirini, kambe a swiro switikaratela, swin'we ku swin'wana.

I Kor 5:13

Kambe a va le handle, Xikwembu Nkulukumba atavayavanyisa. Ke, hlongolani a wa vubihi amakari kwenu.

I Kor 5:2

Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!

II Kor 13:7

Hi khongota Xikwembu Nkulukumba leswaku n'winga yentxi ntxhumu wa kubiha, na kunge hileswaku hivoneka leswaku hayamukeliwa, kambe akuva n'wine n'wiyentxa leswi swinene, nambi loko haha voneka leswaku hayamukeliwa.

II Kor 2:6

Kambe xa dringana ku mhunu yelweyo, a xikhatiso lexi xiyentxiwaka hi lava vanyingi.

II Kor 6:4

Kambe kuhinkwaswu, hi tiseketela swanga vatiri va Xikwembu Nkulukumba: Hikutiyisela loku kukulu, amahlomulweni, ni le kutitroneni, ni le kukamiweni ka mbilu,

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

II Kor 7:7

Kunge hi kutlhasa kwake ntsena, kambe nihi kumiyetiwa loku a miyetiwiki ha kone ha n'wine, na hitivisa ni kunavela kwenu, ni kudrila kwenu, ni kukhinyela kwenu ha mine, lakakuva kuyengeteleka ni kutrhava kwanga.

II Kor 7:9

Kambe swoswi ni trhavile, na kunge heswi n'wivavisiwiki hi papela dranga, kambe hileswaku n'wivavisiwile akuva n'witatisola; kambe n'wivavisiwile hi kurandra ka Xikwembu Nkulukumba, n'wingatikuma kulahlekeliwa ka ntxhumu ha mine.

II Kor 9:2

Hakuva nitiva akukhinyela kwenu, hikolahu nititwalisaka kun'we ni va-le-Makedoniya, niku: va-le-Akaya, vatilulamisele akusukela lembe ledri hundriki; A nkhinkhi leyi n'wiyikombisiki yi tiyisi lava vanyingi.

Ef 4:26

Hlundrukelanani, kambe n'winga dohi; n'wingavi trika a dambu dri pela na n'waha hlundrikile.

Ef 5:11

Mfuri n'wingatipatrinyeteni ni mintiro ya munyama leyi mingeke na mihandru, Kambe hikolahu misolani.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

I Tsl 4:6

Kungave ni mun'we lweyi a honelaka makwavu kumbe ku mukhunguvanyisa, hikusa a Hosi i mudrihiseli wa hinkwaswu leswo, swanga hi leswi hin'wibyeliki kusunguleni, nakone hatiyisa.

I Tmt 5:20

Lava vadohaka, vakhate amahlweni ka hinkwavu, akuva van'wana na vone vatavani kutxhava.

II Tmt 2:15

Djulisisa kutivonekisa mahlweni ka Xikwembu Nkulukumba uva lweyi wa kukhenseka, a mutiri lweyi angeke na tingana, lweyi areraka ritu dra Xikwembu Nkulukumba hi kululama.

Tito 3:8

Aritu ledri dradumbeka; nidjula leswaku, mayelano ni mintxhumu leyo, utiyisa hi kudumba, akuva lava vapfumeliki ku Xikwembu Nkulukumba, vakhinyela kutinyiketa amintirweni le minene. Leswo i swinene, swipfuna vhanu.

Va-Heberu 4:1

Ahitxhaveni-ke, hileswaku a xidumbiso xa kunhingena akuwiseni ka Xikwembu Nkulukumba xehe kone. Ahi tivoneleni leswaku kumbe mun'wana wenu anga txhuki akumiwi na atroniwile.

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

I Ptr 1:17

Ke loko n'wine n'wivitana swanga Tatana wenu, lweyi ayavanyisaka mun'wana-ni-mun'wana mayelano ni mintiro yake, na angayentxi xihlawu-hlawu xa vhanu, hanyani hi kutxhava, ankameni lowu wa kuhundra kwenu lomu misaveni,

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

Yd 1:23

vahuluxani, n'wivawutla andrilweni swanga tihunyi; ku van'wanyana, vanani ni lirere hi xitxhavu, n'winyenya ni nkhantxu lowu nyamisiwiki hi mintiro ya kubiha.

Mpfuletelo 3:19

Mine nikhwavela niva nikhata lava nivarandraka, hileswo-ke, ufanela a kukhinyela na utisola!