II Kor 13:4 - Testamente Ledrimpswha ni Mapsalma

⁴ Hikusa, kunene, avambiwile a gomeni, ku hinkwaswu, awa hanya hi ntamu wa Xikwembu Nkulukumba, hikuva na hini gome ha Yene, kambe hita hanya ha Yene, hi muhanyela hi ntamu wa Xikwembu Nkulukumba.

II Kor 13:4 Mawu Ofanana

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Mintiro Ya Vapostola 2:36

Ke a tiko hinkwadru dra Israyele adriswitive leswaku Yesu yelweyi n'wine n'wingamuvamba, Xikwembu Nkulukumba amuyentxi Hosi ni Kriste.

Mintiro Ya Vapostola 3:16

Hi kupfumela ku vito dra Yesu, a vito drakwe dritiyisi a mhunu yelweyo n'wimuvonaka, n'wimutivaka; ke a kupfumela ku Yesu kunyiki vutomi kulweyi n'wimuvonaka lana hinkwenu.

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Rm 14:9

Hileswo-ke, Kriste afile atlhela ahanya akuva atava Hosi ya vafi ni vahanyi.

Rm 6:4

Hilahliwi kun'we na Yene, hi Babatiso ku lifu, akuva, swanga hi leswi Kriste apfuxiwiki akufeni hi kuphatima ka Tatana, na hine hi famba hi vutomi lebyi byimpswha.

I Kor 1:25

Hikusa a vusinge bya Xikwembu Nkulukumba i vutivi ngopfu kutlula vhanu, ni gome dra Xikwembu Nkulukumba i ntamu wukulu kutlula vhanu.

I Kor 15:43

yibyaliwa na yini kudreliwa, yipfuxiwa kufeni na yini kuphatima; yibyaliwa na yini gome, yipfuxiwa kufeni na yini ntamu.

I Kor 2:3

Kutani nitlhasi ku n'wine na nini gome, ni kutxhava, ni kururumela kukulu,

I Kor 6:14

Nakone, Xikwembu Nkulukumba apfuxiki kufeni a Hosi, na hine atahipfuxa hi ntamu wakwe.

II Kor 10:10

Avan'we vataku: A mapapela yake mabindra, manonon'hwa, kambe avukone byake byini gome, na wone a maritu yake madreleka.

II Kor 12:10

Na nyoxa hikola ka gome, aswiruko, akupfumala, akuxanisiwa ni kubindreliwa hinkonta ya lirandru dra Kriste. Hikusa, loko nini gome, lahu hi kone ninga ni ntamu.

II Kor 13:9

Hikuva hi trhava loko hili ni gome, na n'wine n'wili ni ntamu; leswi hi n'wikombelaka i kuva n'wihetiseka.

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

Va-Heberu 5:7

Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Ptr 3:22

lweyi anga xineneni xa Xikwembu Nkulukumba, ntrhaku ka loko atlhantukeli Matilweni, abekiki a hansi kwake a tintrumi, ni vuhosi, ni mintamu hinkwayu.