II Kor 10:3 - Testamente Ledrimpswha ni Mapsalma

³ Hikusa, nambi loko hi fambi hi nyama, kambe ahi lwi hi nyama.

II Kor 10:3 Mawu Ofanana

Rm 7:5

Hikusa loko a haha hanya hi swa nyama, nikunavela ka xidoho, loko ku kumaka ntamu hi nawu, afa switira a mirini yeru akuva hibeka mihandru ya swidoho.

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

Rm 8:4

Akuva a kululama ka nawu kuhetiseka ku hine hinga fambikiki hi nyama, kambe hi fambaka hi Moya.

II Kor 1:17

Kambe swingava leswaku nindruluti miyanakanyu nakungena mhaka? Kumbe a makungu lawa niyentxaka, nimayentxa hi ndlela ya vumhunu, kuhlaya leswaku ina nikuyanakanya leswaku im-him?

II Kor 10:4

A matlhari lawa hi matirisaka akulweni kweru ahi ya nyama, kambe im'na, i ya ntamu lowu wupfaka ku Xikwembu Nkulukumba, akuva mahahlula a makhokholo, hihahlula a miyanakanyu ya kuhereka,

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

I Tmt 1:18

A leleto ledri nidrinyikaka wene n'wananga Timotewu, swanga hi kulandra a kuprofeta loku kuyentxiwiki hi tlhelo draku, leswaku ha kone, ulwa akulwa loku kunene,

II Tmt 4:7

Nilwile akulwa loku kunene, niheti akutrutruma kwanga, nibeki akupfumela kwanga.

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.