Gl 6:1 - Testamente Ledrimpswha ni Mapsalma

¹ Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

Gl 6:1 Mawu Ofanana

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Mt 26:69

Kambe Petrosi afa atrhami handle, alinxonxeni. Kutani mun'we wansati wanandra amutrhindrekelela aku ku yene: Na wene afa una Yesu, mu-Galileya!

Mt 26:75

Petrosi ahangadrimuka a maritu ya Yesu lawa afaka amubyeli: Na nkuku wungasiyimba, utava unilandruli kuraru. Kutani ahuma handle, ayadrila hi xiviti.

Mt 9:13

Fambani n'wiyadondra a ntlhamuxelo wa maritu lawa maliki: Nidjula a lilondro, mange magandrelo. Hikusa mine anitelanga kuvitana valulami, kambe niteli kuvitana vadohi akululameni.

Rm 14:1

Yamukelanani hi vunene lweyi wa kutrana akupfumeleni kwake, na n'winga kanetani na yene hinkonta ya timhaka.

Rm 15:1

Hine lava hitiyiki akupfumeleni hifanela kubyatrha lava kutrana lava ngeke swanga ha hine, na hinga djuli leswinga hi nyoxisaka.

Rm 8:6

Hikusa akuyanakanya ka swanyama kuyisa kufeni, kambe leswi swinga swa Moya swiyisa vuton'wini ni le kuruleni.

I Kor 10:12

Hileswo-ke lweyi apimisaka leswaku ayimile ativonele akuva anga wi.

I Kor 14:37

Loko a wa kukari apimisaka leswaku i muprofeta kumbe leswaku i wa moya, ativisise leswi nin'witralelaka swone, leswaku i leleto dra Hosi;

I Kor 2:15

Kambe lweyi anga wa Moya ayavanyisa hinkwaswu, na kone yene angayavanyisiwi hi mhunu.

I Kor 3:1

Na mine, vamakweru, aniswikotanga a kukhanela ku n'wine swanga vhanu va Moya, kambe swanga ku vhanu va nyama, swanga vatrongwana ku Kriste.

I Kor 4:21

Xana n'wirandra yini? Leswaku nita ku n'wine ni nhonga, kumbe ni lirandru ni moya wa vumbilu xana?

I Kor 7:5

N'wingatronananeni, handle ka loko n'wiyingelanile hi nkamanyana, akuva n'witinyiketa akukhongoteni, kambe n'witatlhela n'wiva kun'we akuva Sathana angatxhuki an'widringa hi kuhluleka kwenu ka kutikhoma.

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

II Kor 2:7

Swayapswa swoswi n'wimudrivalela, n'wimumiyeta, akuva n'wingati musindrisa kurwala kuvaviseka lokukulu ngopfu.

II Kor 2:8

Hikolahu-ke, ni n'wikombela leswaku n'wimutiyisa hi lirandru drenu.

Gl 5:23

A nawu awu kone lowu wakuyala leswo.

Gl 6:18

A timpswalu ta Hosi yeru Yesu Kriste vamakweru, ative amimoyeni yenu hinkwenu. Amen!

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

II Tsl 3:15

Ku hinkwaswu minga mutameli swanga nala, kambe n'wimukhata swanga makwenu.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Va-Heberu 12:13

Nakone yentxelani minenge yenu atindlela leti takululama, akuva lweyi a khutaka angatitxhuka asuleka kambe aholisiwa.

Va-Heberu 13:3

Yanakanyani lava vanga bohelweni, swanga hi loko na n'wine n'wibohiwile kun'we na vone, ni lava vaxanisiwaka, swanga hi loko na n'wine n'wixanisiwa mirini hi kufana.

Yakobe 3:13

A kone makari kwenu anganivutlhari ni vutivi xana? Aakombise hi kunabyala ni hivutlhari a mintiro yake, ni hi mahanyela lawa manene.

Yakobe 3:2

Hikusa ha hoxa hi swihoxo swinyingi hinkweru. Loko nha mun'we angahoxi hi maritu, i mhunu wa kuhetiseka, lweyi a kotaka kufuma miri yake hinkwayu.

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;

I Yhn 5:16

Loko mhunu avona makwavu ayentxa xidoho, xidoho lexi xingayisiki kufeni, afanela kukhongota ku Xikwembu Nkulukumba, kutani Xikwembu Nkulukumba atanyika vutomi lava vangayentxiki xidoho lexi xiyisaka kufeni, kuni xidoho lexi xiyisaka kufeni, na kone, hi xidoho lexo, anihlayi leswaku afanela kukhongota.