Yohane 9:4 - Sura Malelaha

⁴ Hangangaa tapopolumao bagona Pue Ala au motuduNa, liana mani mabaa. Tempo kaindi ina hawemi, hai ane kaindimi barapi ara tauna au peisa mobago.

Yohane 9:4 Mawu Ofanana

Matiu 20:7

Rahanai: ‘Lawi bara ara au mampopobagongkai.’ Nauli ampu bonde iti: ‘Ane nodo, laomokau mobago i bondeku.’ Lao mpuumohe.

Markus 3:3

Mololitami Yesu i tauna au wara taiena hambali, Nauli, “Maiko meangka inde i lindo.”

Yohane 10:32

Nauliangaahe Yesu, “Ngkaiami bago maroa au Kutudungiamokau, au Kubabehi moula hawana UmaNgku. Hangko i ope-ope bagoNgku iti, umba au mewali pongkana pane nipeinaoNa nipapate?”

Yohane 10:37

Ane baraNa mobabehi bago au hangko i UmaNgku, ineeNa nipoinalai.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Yohane 17:4

Uma, Kupatongawami peawaNa tuwoMu i dunia ide i poparooNgku bago au NuweiNa.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 5:36

Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Yohane 7:33

I tempo iti, Yesu tangana mololita i tauna bosa, Nauli, “BarapoNa mahae hihimbela hai ikamu, ina mesuleNa lao Iria au motuduNa.

Suro 4:20

Lawi barapi peisa kipengkaroongaa mampololita apa au kiita hai au kihadimi.”

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Epesu 5:16

Hangangaa nipopobundu maroa tempo au ara irikamu, lawi i tempo ide-ide kadake mpuu babehia manusia.

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.