Yohane 9:39 - Sura Malelaha

³⁹ Nauli Yesu, “KamaiNgku i dunia ide, maiNa mobotusi, bona tauna au bilo peisa meita, hai tauna au meita ina mewali bilo.”

Yohane 9:39 Mawu Ofanana

Matiu 11:5

au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 6:23

Agaiana ane wura matami, makaindi wori humalele watami. Ane hulo au ara i watami mewali makaindi, meruu ntepuu kamakaindina.”

Lukasi 1:79

Lawi nodo alo mosimbaki dunia au makaindi ide, nodo wori Pue mowangkahi tauna au tuwo i lalu kamakaindi hai au mampokalanga kapate. Ia ina moninike bona molambike roa ngkatuwo.”

Lukasi 13:30

Kahopoana, tauna au tepaibokoa ina mewali tepaiorua. Hai tauna au tepaiorua ina mewali tepaibokoa.”

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Lukasi 7:21

I tempo iti wori, Yesu mopakaoha bosa tauna hangko i hakinda, pantodihanda hai mampopeloho seta hangko i tauna au napesuangi. Napakaoha worihe tobilo bona meitahe.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Yohane 12:46

MaiNa i dunia ide mewali pewangka bona ope-ope tauna au mepoinalai Iriko barapohe maida i lalu kamakaindi.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

Yohane 8:15

Ikamu mebotusikau moula pea pekiri manusia, agaiana Iko baraNa mobotusi kara-karanda hema pea.

Yohane 9:25

Nauliangaahe, “Iko, bara kuisa ba tomadosa ba bara. Au kuisa pea, bilona hangkoia, agaiana ide-ide meitamona.”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

2 Tesalonika 2:10

Ope-ope akalana au kadake napake mopakanawo tauna au tepakanotohe rahuku. Ina marugihe, lawi barahe mau mampoinalai Ngkorana Pue au peisa mohoremahe hangko i huku dosanda.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

1 Yohane 2:11

Tauna au bara mampokaahi halalunda, manoto tuwo manihe i kamakaindi hai barahe moisa iumba kalaoanda, lawi napabilomohe kamakaindi iti.