Yohane 9:29 - Sura Malelaha

²⁹ Kiisa Pue Ala mopahawemi lolitaNa i Musa hangkoia. Agaiana tauna iti, bara kiisa ba hangko iumbaNa mai.”

Yohane 9:29 Mawu Ofanana

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 26:61

rauli, “Tauna ide manguli, ‘Souna Pue Ala peisa Kugero, hai i lalu talu alona Kuaro hule.’ ”

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 7:27

Agaiana bara hintoto ane Ia Datu Topehompo, lawi taisato kahangko iumbaNa mai. Ane hawe mpuu Datu Topehompo au radandi hangkoia, bara ara au ina moisa kahangko iumbaNa mai.”

Yohane 7:28

Mewali, tangana Yesu mepaguru i lalu Souna Pue Ala, mololitami masisimbuku, Nauli, “Niisa kahemaNgku hai kahangko iumbaKu. Agaiana maiNa bara anti peundeaKu haduduaNgku; maiNa moula peundeana UmaNgku au motuduNa mai. Iami au hintoto rapoinalai. Agaiana ikamu, Ia bara niisa.

Yohane 8:14

Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku.

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Yohane 9:24

Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”

Yohane 9:30

Mehana tauna au bilo hangkoia, nauli, “Mepawuli mpuukau! Niuli bara niisa kahangko iumbaNa tauna iti, moleri Ia mopakaohami matangku!

Suro 22:22

Tauna bosa au tanganda mampehadingi Paulu mololita unga peahe monganga-nganga, lawi mohadihe lolitana paulu, au manguli kaina laona i tauna au bara to Yahudi. Mongangahe masisimbuku, rauli, “Nipapate peami! Barapi hintoto tuwo!”

Suro 26:22

agaiana nauri nodo, duuna ide-ide, Nakampaina Pue Ala, Hai peisa manina meangka inde mampololita posabikingku kana i Pue Yesu i ope-ope tauna, maroa i tauna au mapangka lantina, maroa i tauna biasa. Apa au kuuli ide, batena himbela hai apa au rapahawe amimi Musa hai nabi-nabi hangkoia

Suro 7:35

“Musa au raae to Yahudi hangkoia, rauliangaa, ‘Hema au moangkako mewali tadulakongki ba topebotusingki?’ Musa idemi au natudu Pue Ala melempo i hadua Malaeka au mololita iria hangko i lalu lopo, bona mewali tadulakonda au mokabahahe hangko i karapohawinda.

Ibarani 1:1

Hangkoia, bosa belana Pue Ala mongkora i toiorunta. LolitaNa rapahawe nabi-nabi, hai ngkaia pakana rara Napake mopaturohe toiorunta.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.