Yohane 9:24 - Sura Malelaha

²⁴ Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”

Yohane 9:24 Mawu Ofanana

Markus 15:27

Ara wori rodua tauna au kadake rapaku i kau mombehape hihimbela hai Ia, hadua ntanda i koanaNa hai hadua ntanda i kabeoNa.

Lukasi 15:2

Ara worihe toParisi hai guru-guru agama au moitahe. Mohume-humemohe, rauli, “Ae! Ia mohimada hai tomadosa, hai maandehe hihimbela!”

Lukasi 19:7

Karaitana tauna bosa apa au mewali iti, mohume-humemohe, rauli, “Ae, moapari pane Ia mesonda i souna tomadosa?”

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Yohane 18:30

Rahanai, rauli, “Ane rapana ia bara tauna au kadake, kebara kianti i Gubernur.”

Yohane 19:6

I temponda kapala-kapala tadulako mpenomba hai topekampai moita Yesu, mongangamohe, rauli, “Papate! Papate i kau mombehape!” Nauli Pilatu, “Ane nipeinao mopaku i kau mombehape, nialamide! Ikamu au hangangaa mopaku i kau mombehape, lawi bara kulambi salaNa.”

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Yohane 8:46

Hemakau au peisa motudungiaNa kamadosaNgku? Ane mampololitaNa apa au tou, moapari hai baraNa nipoinalai?

Yohane 8:49

Nauli Yesu, “BaraNa napesuangi seta. Iko mobilaNa UmaNgku. Agaiana ikamu, baraNa nibila.

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Yohane 9:25

Nauliangaahe, “Iko, bara kuisa ba tomadosa ba bara. Au kuisa pea, bilona hangkoia, agaiana ide-ide meitamona.”

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Pampetudungia 11:13

Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”