Yohane 9:16 - Sura Malelaha

¹⁶ Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Yohane 9:16 Mawu Ofanana

Matiu 12:10

Inditi, ara hadua tauna au mate taiena hambali. Bahangkia tauna mohaoki kanawoana Yesu. Ido hai mekunehe i Yesu, rauli, “Guru, ba peisake mopakaoha tomahai i Alo Pengkarooangaa?”

Matiu 12:2

Arahe toParisi au moita apa au rababehi. ToParisi iti mouliangaa Yesu, “Peita! TopeguruMu moliungihe atura agamanta, mobagohe i Alo Pengkarooangaa!”

Lukasi 13:14

Agaiana inditi ara hadua tadulako sou penombaa au koi inaona moita Yesu mopakaoha tauna i Alo Pengkarooangaa. Ido hai nauli i tauna bosa, “Ini alona, peisake mobago. I alo-alo iti, peisakau mai mampopepakaoha, inee i Alo Pengkarooangaa!”

Yohane 10:19

Karahadina to Yahudi lolitana Yesu, mombehanai mbulimohe.

Yohane 14:11

Nipoinalaimide: Iko mohintuwuNa hai UmaNgku nodo wori UmaNgku mohintuwu hai Iko. Nauri baraNa nipoinalai hangko i lolitangKu, agaiana hangangaa nipoinalaiNa lawi niitami hinangka au Kubabehi.

Yohane 15:24

I olonda tauna bosa, Kubabehi tanda kuasa au bara mani rababehi tauna ntanina. Ane kebara Kubabehi nodo, kebarahe masala. Agaiana i karaitana apa au Kubabehi, ihira mokahihi liliuNa, hai UmaNgku rakahihi wori.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 5:10

Ido hai tadulakonda to Yahudi mokambaroa tauna au hangko maoha iti, rauliangaa, “Ide Alo Pengkarooangaa! Barako peisa moanti alemu.”

Yohane 5:36

Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Yohane 6:52

Karahadina tadulakonda to Yahudi lolitana Yesu iti, mombehanaimohe hadua hai hadua, rauli, “Noumba kapeisaNa mokira ontoNa irikita bona taande?”

Yohane 7:12

Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Yohane 7:23

Mewali, ane metilekau i Alo Pengkarooangaa datikau moliungi Aturana Musa, moapari hai nikarumpuiNa ane mopakaohaNa tauna i Alo Pengkarooangaa bona maroa watana?

Yohane 7:43

Ido hai mombehanaimohe tauna bosa. Hanggaahe mepoinalai i Yesu, hanggaahe bara.

Yohane 9:24

Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”

Suro 14:4

Agaiana ampu boea iti bararihe hintuwu. Arahe au ntanda i to Yahudi, hai ara worihe au ntanda i surona Pue Yesu.