Yohane 8:58 - Sura Malelaha

⁵⁸ Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Yohane 8:58 Mawu Ofanana

Yohane 10:25

Nauli Yesu, “Roomokau Kuuliangaa, agaiana bara nipoinalai. Tanda au Kubabehi hai kuasa au hangko UmaNgku, itimi au mopakanoto kahemaNgku.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Yohane 8:28

Ido hai Nauliangaa mbulihe, “Ane mopamapangkamokau Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku.

Yohane 8:34

Nauli Yesu, “Tou mpuu lolitaNgku ide: ope-ope tauna au mobabehi liliu dosa, napohawihe dosa.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Kolose 1:17

Hangko damani hinangkana ara, Yesu aminami ara. Hai ope-ope au ara, Nakadipura hai kuasaNa.

Ibarani 13:8

Yesu Kerisitu bara tebaliki; Ia himbela pea hangkoia, ide-ide, hawe i hae-haena.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 1:8

Nauli Pue Ala: “Ikomi Alpa hai Omega. Ikomi pepongkana hai au kahopoana. AraNa hangko i nguru-nguruna, ide-ide, hai batena ara liliuNa hawe i hae-haena. KuasaNgku melumbu hangko i hinangkana.”

Pampetudungia 2:8

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Smirna: Idemi lolitana Pue Yesu, Ia pepongkana hai au kahopoana, au mate agaiana tuwo hule.