Yohane 8:55 - Sura Malelaha

⁵⁵ Moleri barato niisa kahemaNa. Ane Iko, Kuisa. Ane keKuuli Ia bara Kuisa, modongkoNa nodo ikamu. Agaiana tou-tou kaKuisaNa, hai Kupeulai lolitaNa.

Yohane 8:55 Mawu Ofanana

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Yohane 15:21

Ope-ope iti ina rababehiakau anti peulami Iriko lawi barahe moisa Pue Ala au motuduNa.

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 6:46

Agaiana inee nipehangu arami tauna au moita UmaNgku. Batena pea Iko au moita, lawi Iko hangko i Pue Ala.

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Yohane 8:29

Hai Ia au motuduNa, mamporangai liliuNa. BaraNa Napogiangaa haduduaNgku, lawi Kubabehi liliu apa au mopamatana laluNa.”

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Suro 17:23

Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

1 Yohane 1:6

Ane tauli mohintuwuke hai Pue Ala, moleri tuwoto manike i lalu kamakaindi, modongkomoke hai barake mampeulai paturo au tou.

1 Yohane 2:22

Au modongko iamohe tauna au mosapuaka kaYesuna Datu Topehompo. Ihirami au mampoiwali Kerisitu, lawi mosapuakahe Pue Ala Umanta hai Yesu AnaNa.

1 Yohane 2:4

Tauna au manguli, “Moisana Pue Ala,” agaiana barahe mampeulai hawaNa, modongkomohe hai barahe mopailalu paturo au tou.

1 Yohane 5:10

Tauna au mepoinalai i Anana Pue Ala, raisa i lalunda katouna posabina Pue Ala. Hema-hema au bara mampoinalai Pue Ala, mampopodongkomohe Pue Ala, lawi barahe mampoinalai posabina Pue Ala au mampololita kana i AnaNa.

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.