Yohane 8:42 - Sura Malelaha

⁴² Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Yohane 8:42 Mawu Ofanana

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 14:10

Bara mani pae nupoinalai Iko mohintuwuNa hai UmaNgku nodo wori UmaNgku mohintuwu hai Iko? Apa au Kuuliangaakau ide, bara Kuuli moula peundeaKu. UmaNgku mohintuwu hai Iko, Ia au mobago liliu i lalu katuwoNgku.

Yohane 16:30

Ide-ide kipoinalaimi Oio moisa hinangkana. Barapi paraluu kipetandakaKo. Ide-ide kipoinalai mpuu hangko i Pue AlaKo.”

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Yohane 5:43

UmaNgku au motuduNa mai, hai kuasaNgku Kulambi hangko Iria. Nauri nodo baraNa nidoko. Agaiana ane arahe au mai i lalu kuasanda haduduanda, ihirari au nidoko.

Yohane 8:14

Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,