Yohane 8:37 - Sura Malelaha

³⁷ Kuisa ikamu pemuleanakau Burahima. Agaiana arakau au mampeinao mopapateNa, lawi barakau modoko lolitaNgku.

Yohane 8:37 Mawu Ofanana

Matiu 13:15

Tauna ide matuami lalunda, talinganda mewalimi bongo hai matanda rapidika, lawi lohehe metotoki bona raita, lohehe motaa talinganda dati rahadi, lohehe rapamanoto lalunda. Kahopoana barahe ina mesule Iriko hai barahe ina Kuwei katuwo maroa.’ ”

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Yohane 10:31

Pohadinda lolitana Yesu, to Yahudi iti motimamohe watu, rapeinao mowatui Yesu bona mate.

Yohane 11:53

Mepongka alo iti, tadulakonda to Yahudi mohawamohe bona Yesu rapapate.

Yohane 5:44

Noumba pepoinalaimi Iriko, ane mampeinao peakau ratoia rangami? Bara niunde mobaliki babehiami bona Pue Ala HaduduaNa motoiakau.

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”

Yohane 7:25

Karahadina ampu wanua Yerusale lolitana Yesu iti, wulimohe. Arahe au manguli, “Bara pae tauna itimi au rahaoki tadulakonta bona rapapate?

Yohane 8:33

Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”

Yohane 8:43

Apa pongkana pane bara niisa lempona lolitaNgku? Bara niisa, lawi bara nibuku mohadi lolitaNgku.

Yohane 8:56

Ane Burahima toiorumi, matana laluna lawi naisa kaina naitaNgku i alo kahaweaNgku, hai naitami kahaweNgku hai matana mpuu.”

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Yohane 8:6

Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Roma 9:7

Hai i olonda pemuleana Burahima, barahe ope naimba Pue Ala anana Burahima. Lawi Pue Ala modandimi i Burahima, Nauli, “Batena pea pemuleana Isaki au ina raimba pemuleamu.”

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

1 Yohane 2:14

Kuukiakau anangku, lawi moisamokau Umanta. Kuukiakau uma-uma, lawi moisamokau Ia au ara hangko i nguru-nguruna. Kuukiakau anantomoane hai anantowawine, lawi marohomi pepoinalaimi, mopailalumokau Ngkorana Pue Ala, hai monangimokau Datu Tokadake.