Yohane 8:36 - Sura Malelaha

³⁶ Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala.

Yohane 8:36 Mawu Ofanana

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.

2 Korintu 3:17

Lawi Pue iami Inao Malelaha. Hai ane Inaona Pue maida i lalunta, ina tekabahake hangko i hinangka kuasa au mogaakike hangko i Pue.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.