Yohane 8:21 - Sura Malelaha

²¹ Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”

Yohane 8:21 Mawu Ofanana

Matiu 23:39

Tou mpuu au Kuuliangaakau, barapoNa niita duuna hawe tempona niuli: ‘Rawatimi tauna au mai i lalu hangana Pue!’ ”

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Yohane 12:33

Lolitana Yesu iti mopakanoto noumba kaina rapapateNa.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Yohane 13:33

AnaNgku, barapoNa mahae hihimbela hai ikamu. Ina nihaokiNa, agaiana nodo au Kuuliangaamohe tadulakonda to Yahudi hangkoia, nodo wori Kuuliangaakau: i kalaoaNgku barakau peisa hawe.

Yohane 7:34

Ina nihaokiNa, agaiana barapoNa nilambi, lawi i kalaoaNgku barakau ina peisa hawe.”

Yohane 7:36

Hai apa lempona lolitaNa au manguli, ina tahaoki agaiana bara talambi, hai i kalaoNa barake ina peisa hawe?”

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Epesu 2:1

Hangkoia, hangko damanikau mepoinalai i Yesu, nodomokau tauna au mate lawi madosakau hai moliungikau hawana Pue Ala.