Yohane 7:4 - Sura Malelaha

⁴ BaraKo ina mewali tauna mahile ane inde liliu peaKo. Ane mobabehiKo tanda kuasa, hangangaa Nupopaitaarihe ope-ope tauna!”

Yohane 7:4 Mawu Ofanana

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 4:6

hai nauliangaa, “Ane tou-tou Anana mpuuKo Pue Ala, mengkanawomoKo hangko inde! BaraKo ina moapa-apa, lawi ara teuki i lalu Sura Malelaha: ‘Pue Ala motuduhe malaekaNa mokampaiKo datiKo marugi. Ina radokoKo dati tetuhu bitiMu i watu.’ ”

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Lukasi 6:45

Nodo wori i manusia. Tauna au maroa ina mohowara apa au maroa, lawi lalunda buke roa. Tauna au kadake ina mohowara apa au kadake, lawi lalunda buke dake. Lawi apa au ara i lalunta, iti wori au mesuwu hangko i humenta.”

Yohane 18:20

Nauli Yesu, “MololitaNa i katou-touana i ope-ope tauna. Mepaturo liliuNa iumba pea sou penombaa hai i Souna Pue Ala, au paka rapoteruhui to Yahudi. BaraNa hambela mepaguru ngkabuni.

Yohane 7:3

Ido hai rauli halaluna Yesu Iria, “Ineeko inde liliu! LaomoKo i Yudea bona topeulaMu moita tanda kuasa au Nubabehi.

Yohane 7:5

Mololitahe nodo lawi bara worihe mepoinalai Iria.