Yohane 7:39 - Sura Malelaha

³⁹ (Au natunggai lolitana Yesu iami Inao Malelaha, au ina mendaulu i tauna au mepoinalai Iria. I tempona Yesu mololita nodo, Inao Malelaha bara mani mendaulu i topeulaNa, lawi Yesu bara mani rapopeawa.)

Yohane 7:39 Mawu Ofanana

Matiu 16:14

Rahanai topeguruNa, rauli, “Arahe au manguli kaOiona Yohane Toperiu au tuwo hule. Ara worihe au manguli Oio hadua nabi au tuwo hule, nodo nabi Elia, nabi Yeremia, ba nabi au ntanina.”

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Lukasi 24:49

Nipehadingi lolitaNgku! Ina Kutudu Inao Malelaha mai irikamu. Agaiana hangangaa nipegia hampai inde i wanua Yerusale, duumi molambi kuasa moula dandiNa UmaNgku.”

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Yohane 1:21

Mekune mbulihe, “Ane nodo, hemariko? Ba nabi Eliako?” Nauli Yohane, “Bara.” Mekune mbulihe, rauli, “Ba oiomi nabi mahile au radandi hangkoia au rauli ina mai i dunia?” Nauli Yohane, “Bara wori iko.”

Yohane 12:16

I tempo iti, bara mani raisa topeguruna apa lempona au mewali iti. Agaiana karapopeawanami Yesu i karapapatena, hangko rakatuinaori topeguruNa apa au teuki i lalu Sura Malelaha au mopahawe amimi apa au mewali i Yesu.

Yohane 12:23

Nauliangaahe Yesu, “Hawemi tempona, Ana Manusia rapomahile.

Yohane 14:13

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku.

Yohane 14:26

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Yohane 16:14

Ia ina mampopeawaNa, lawi lolita au Nadoko hangko Iriko, itimi au Napahaweakau.

Yohane 16:7

Agaiana katouana, ina molambikau roa ane paduNa! Lawi ane baraNa padu, bara ina hawe Topetulungi. Agaiana ane paduNa, ina Kutudu Topetulungi iti mai irikamu.

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Yohane 20:22

Roo indo, Natawuehe pane Nauli, “Nidokomi Inao Malelaha.

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 7:12

Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Yohane 8:54

Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai.

Suro 19:2

Napekunehe, nauli, “Aramokau molambi Inao Malelaha i kamepoinalaimimi?” Rahanai, “Bara mani. Mogalori kihadi kaarana Inao Malelaha iti bara mani!”

Suro 2:17

Nauli Pue Ala: ‘I alo-alo kahopoa dunia, Ope-ope tauna ina Kukiraiahe inaoNgku. Anami tobalilo hai anami towawine ina mohowara lolitaNgku. Anantomoanemi ina moita apa au Kupopaitaahe. Tosaemi ina Kuweihe pangipi.

Suro 2:33

Pue Ala mampopohudami Yesu i pohudaa au tebila hai teadai ntanda i koanaNa. Hai hangko indo, Pue Ala Umanta mowei i Yesu Inao Malelaha nodo au Nadandi. Mewali au niita hai au nihadimi inona, mewali anti kuasana Inao Malelaha au naweingkai Yesu.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

2 Korintu 3:8

apa mani pobagona Inao Malelaha.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.