Yohane 7:37 - Sura Malelaha

³⁷ Alo kahopoa posusa iti iami alo au meliu karapomahilena. I alo iti, meangkami Yesu i lalu Souna Pue Ala, hai mololita masisimbuku, Nauli, “Hema au mangkadou, maimokau maenu Iriko!

Yohane 7:37 Mawu Ofanana

Matiu 11:28

Maimokau ope-ope au mawowe hai au mantimi haleami. Ina Kuweihaakau haleami.

Matiu 3:3

Yohane itimi au natunggai lolitana nabi Yesaya hangkoia au manguli node: “Ara tauna au monganga-nganga i pada wungi, nauli, ‘Ina hawe Pue! Nipasilolonga raraNa, Nipakanoto rara au ina Napoliungi.’ ”

Matiu 5:6

Morasihe tauna au mampeinao mewali manoto i peitana Pue Ala, lawi Pue Ala ina moweihe apa au rahaoki.

Yohane 1:23

Nahanaihe Yohane hai lolitana nabi Yesaya hangkoia, nauli, “Ikomi tauna au monganga-nganga i pada wungi: ‘Pue ina hawe. Nipasilolonga raraNa!’ ”

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:11

Nauli towawine iti, “Hangko iumba mai owai au Nuuli iti? PopetabuikiMu bara ara, hai tibubu ide malobu.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 5:40

Agaiana bara mani niunde mai Iriko bona molambikau katuwo maroa au bara mokahopoa.

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 6:55

lawi ontoKu tou-tou mpuu paande, hai waheNgku tou-tou mpuu paenu.

Yohane 7:28

Mewali, tangana Yesu mepaguru i lalu Souna Pue Ala, mololitami masisimbuku, Nauli, “Niisa kahemaNgku hai kahangko iumbaKu. Agaiana maiNa bara anti peundeaKu haduduaNgku; maiNa moula peundeana UmaNgku au motuduNa mai. Iami au hintoto rapoinalai. Agaiana ikamu, Ia bara niisa.

1 Korintu 10:21

Ane maenukau anggoro i penombaami i Pue Yesu, bara hintoto ane lao worikau maenu anggoro hihimbela hai ihira au menombahe i tokadake. Ane maandekau roti mokatuinao kapatena Pue, bara wori hintoto ane laokau maande sambela hai ihira au menombahe i tokadake.

1 Korintu 11:25

Nodo wori, karoonda maande, Nahuhuamohe paenua anggoro, Nauliangaahe, “Anggoro au ara i paenua ide, lempona dandina Pue Ala au wou au mopahintuwu Pue Ala hai manusia. Dandi ide Napakaroho hai waheNgku au mabubu i kapateNgku. Bela-belana nienu, nibabehi mewali pekatuinaomi Iriko.”

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

Epesu 5:18

Ineekau malangu-langu, lawi iti ina moantikau mobabehi ngkaia pakana dake, agaiana hangangaa nakuasai peamokau Inao Malelaha. Anti kuasana Inao Malelaha iti,

Pampetudungia 21:6

Hangko indo, Nauliangaa mbulina, “Hopomi! Ikomi, Alpa hai Omega, Au pepongkana hai Au Kahopoana. Tauna au mangkadou, Kuweihe owai hangko i ulu owai au mopaara katuwo maroa au bara mokahopoa. Owai iti Kuwei mberohe, bara raholo.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 22:17

Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!