Yohane 7:31 - Sura Malelaha

³¹ Agaiana arahe bosa tauna i olonda au mepoinalai Iria, rauli, “Datu Topehompo mpuu, lawi ngkaiami tanda kuasa au Nababehi.”

Yohane 7:31 Mawu Ofanana

Matiu 12:23

Tingkaramohe tauna bosa au moita iti, alana mombekunehe, rauli, “Ba Ia idemi Datu Topehompo pemuleana Datu Daudi au radandi hangkoia?”

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Yohane 11:45

Bosahe to Yahudi au mai mosondaki Maria i tempo ido, moita apa au nababehi Yesu. Hai bosahe au mepoinalai Iria.

Yohane 12:11

Lawi anti kaiana, rapalehihe bosa to Yahudi au mepoinalaimohe i Yesu.

Yohane 12:42

Nauri nodo, ara worihe bosa tadulakonda to Yahudi au mepoinalai i Yesu. Agaiana i lalunda pea mepoinalai, lawi mampokalangahe toParisi; langahe ina barapohe rapaliu mesua i sou penombaa.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 4:29

“Maikau, laoke mampeita hadua tauna au mampololita ope-ope babehiangku. Ba Ia mpuumi Datu Topehompo?”

Yohane 4:39

Bosahe to Samaria i boea iti mepoinalai i Yesu, lawi mohadihe lolitana towawine iti inona au manguli, “Napololitami hinangka babehiangku.”

Yohane 6:2

Bosa mpuu tauna au meula Iria, lawi moitamohe ope-ope tanda au Nababehi i kamopakaohaNa tomahai.

Yohane 7:26

Peita, olouto mepaturo hai bara ara kalangaNa, hai bara ara au mokambaroa. Inee mpuu pae raisami tadulakonta kaIana Datu Topehompo?

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Suro 8:13

Hangko inditi, mepoinalaimi Simo hai rariu. Karoona rariu, meula liliumi i Pilipu, lawi tingkara laluna moita tanda kuasa au nababehi Pilipu.

Yakobu 2:26

Mewali, ane ara hadua tauna au barapi moinao, lempona matemi. Nodo wori, pepoinalainta i Pue, ane bara tongawa i babehianta, lempona matemi pepoinalainta, barapi ara pobunduana.