Yohane 7:28 - Sura Malelaha

²⁸ Mewali, tangana Yesu mepaguru i lalu Souna Pue Ala, mololitami masisimbuku, Nauli, “Niisa kahemaNgku hai kahangko iumbaKu. Agaiana maiNa bara anti peundeaKu haduduaNgku; maiNa moula peundeana UmaNgku au motuduNa mai. Iami au hintoto rapoinalai. Agaiana ikamu, Ia bara niisa.

Yohane 7:28 Mawu Ofanana

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

Matiu 26:55

I tempo iti, nauli mbuli Yesu i tauna bosa, “Tauna kadakeriNa pae dide, pane moantikau piho hai pewombe mai mohakaNa? Alo-alona mohudaNa mepaturo i Souna Pue Ala. Moapari hai baraNa nihaka i tempo iti?

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Lukasi 2:11

Kaindi ide i boeana Datu Daudi, rapoanakami hadua Datu au moanti katuwo maroa irikamu, iami Kerisitu, Amputa.

Lukasi 2:39

Karoonda Yusupu hai Maria mobabehi ope-ope atura moula Sura Aturana Musa, mesulemohe lao i boea Nasare i tampo Galilea.

Lukasi 2:4

Nodo wori Yusupu meangkami hangko i boea Nasare hihimbela hai Maria hampomanuna au tangana mantimi. Meangkahe hangko i tampo Galilea, mempanai lao i tampo Yudea monontohi boea Beteleme, boea karapoanakaana Datu Daudi hangkoia. Inditi, Yusupu mampopeuki hangana, lawi ia pemuleana Daudi.

Lukasi 2:51

Roo indo, lao sambelamohe i Nasare, hai Yesu mampeulai ope-ope hawanda. Ope-ope au mewali iti batena napailalu inaNa.

Yohane 1:46

Mehana Natanael, nauli, “Ara wori pae au maroa hangko i boea Nasare?” Nauli Pilipu, “Maimoko bona nuita!” Lao mpuumohe i Yesu.

Yohane 10:36

Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 14:10

Bara mani pae nupoinalai Iko mohintuwuNa hai UmaNgku nodo wori UmaNgku mohintuwu hai Iko? Apa au Kuuliangaakau ide, bara Kuuli moula peundeaKu. UmaNgku mohintuwu hai Iko, Ia au mobago liliu i lalu katuwoNgku.

Yohane 14:31

Agaiana hinangkana ide hangangaa mewali bona ope-ope tauna ina moisa kaKupokaahina UmaNgku hai kaKupeulaina liliu ope-ope au NahawaaNa. Maimokau, padumoke hangko inde.”

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 3:33

Tauna au mampoinalai lolitaNa, mopangaku katouna Pue Ala.

Yohane 5:32

Agaiana ara au ntanina au mosabi kana Iriko, iami UmaNgku, hai Kuisa katouna posabiNa.

Yohane 5:43

UmaNgku au motuduNa mai, hai kuasaNgku Kulambi hangko Iria. Nauri nodo baraNa nidoko. Agaiana ane arahe au mai i lalu kuasanda haduduanda, ihirari au nidoko.

Yohane 6:42

Mololitamohe, hadua hai hadua, rauli, “Bara pae Yesu iti, anana pea Yusupu? InaNa hai umaNa taisahe. Moapari hai Nauli kahangko i surugaNa mai?”

Yohane 7:14

I tanga mposusa iti, Yesu mesua i lalu Souna Pue Ala, hai mepongkami mepaguru.

Yohane 8:14

Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku.

Yohane 8:16

Ane rapana, mobotusiNa kara-karanda tauna, pobotusiNgku batena manoto, lawi bara haduduaNgku. UmaNgku au motuduNa, Iami au mamporangaiNa.

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Yohane 8:26

Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Yohane 9:29

Kiisa Pue Ala mopahawemi lolitaNa i Musa hangkoia. Agaiana tauna iti, bara kiisa ba hangko iumbaNa mai.”

Suro 17:23

Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 3:4

Kehapiri ope-ope tauna modongko, batena tou lolitana Pue Ala. Takatuinao apa au nauli Datu Daudi hangkoia. Nauli node, “bona tongawa kamanotoMu i hinangka NgkoraMu hai menangiKo ane raparesaKo.”

2 Korintu 1:18

Bara nodo halalu! Nodo Pue Ala mopabukei ope-ope dandiNa irikita, nodo wori dandiki irikamu. Bara kiuli, “Io” irikamu ane tunggaiaki: “Bara.”

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

1 Yohane 5:10

Tauna au mepoinalai i Anana Pue Ala, raisa i lalunda katouna posabina Pue Ala. Hema-hema au bara mampoinalai Pue Ala, mampopodongkomohe Pue Ala, lawi barahe mampoinalai posabina Pue Ala au mampololita kana i AnaNa.