Yohane 7:13 - Sura Malelaha

¹³ Agaiana bara ara hadua au bai mololita totongawa kana i Yesu, lawi mampokalangahe tadulakonda to Yahudi.

Yohane 7:13 Mawu Ofanana

Yohane 19:38

Roo indo, ara hadua tauna au rahanga Yusupu hangko i boea Arimatea. Ia mepoinalai ngkandii i Yesu, lawi mampokalanga tadulakonda to Yahudi. Kapatena Yesu, laomi Yusupu i Pilatu mamperapi watana Yesu bona ratawu. Napaliumi Pilatu, mewali laomi Yusupu mangala watana Yesu.

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 7:11

I posusaa iti, tadulakonda to Yahudi mohaoki liliu Yesu, rauli, “Iumbami tauna iti?”

Yohane 7:15

Tingkarahe to Yahudi mohadi lolitana Yesu, rauli, “Noumba pane Naisa ope-ope au teuki i lalu Sura Malelaha, lawi Ia bara mapangka posikolaNa?”

Yohane 9:22

(Inana hai umana manguli nodo, lawi langahe i tadulakonda to Yahudi. Lawi arami kabotuana hawanda tadulako iti au node: hema-hema au manguli Yesu iti Datu Topehompo, barapohe rapaliu mesua i sou penombaa.

Yohane 9:34

Rahanai tadulakonda to Yahudi iti, rauli, “Oio tauna au bukeko dosa hangko i pesupamu peami. Moapari pane baiko mopaturongkai?” Mepongka inditi, rawurami hai barapi rapaliu mesua i sou penombaa.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.