Yohane 6:60 - Sura Malelaha

⁶⁰ Kamohadinda lolitana Yesu, bosahe topeulaNa au manguli, “Mapari mpuu paturo iti. Hema pae au peisa mampeulai?”

Yohane 6:60 Mawu Ofanana

Matiu 11:6

Morasihe tauna au bara bata-bata lalunda Iriko.”

Yohane 2:2

Yesu hai topeguruNa rakakio worihe lao i posusa iti.

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Yohane 6:52

Karahadina tadulakonda to Yahudi lolitana Yesu iti, mombehanaimohe hadua hai hadua, rauli, “Noumba kapeisaNa mokira ontoNa irikita bona taande?”

Yohane 6:64

Nauri nodo, ara manihe hanggaa i olomi au bara mepoinalai.” (Yesu manguli nodo lawi Naisami hangko i nguru-nguruna kahemanda au bara ina mepoinalai Iria, hai Naisa worimi kahemana au ina mampobalu wataNa.)

Yohane 6:66

Mepongka i tempo iti, bosahe topeulana Yesu mousuli. Barapi raunde meula Iria.

Yohane 7:3

Ido hai rauli halaluna Yesu Iria, “Ineeko inde liliu! LaomoKo i Yudea bona topeulaMu moita tanda kuasa au Nubabehi.

Yohane 8:31

Mewali, mololitami Yesu i to Yudea au mepoinalai Iria, Nauli, “Ane nipeulai liliu paturoNgku, ina mewali mpuukau topeulaNgku,

Yohane 8:43

Apa pongkana pane bara niisa lempona lolitaNgku? Bara niisa, lawi bara nibuku mohadi lolitaNgku.

Ibarani 5:11

Halalu, katouana, ngkaia mani au kupeinao kuuliangaakau kana i Yesu hai Melkisedek, agaiana mapari mopakanotoakau ope-ope iti, lawi mengkantulikau. Bara niunde mohadi paturongku.

2 Peturu 3:16

I lalu ope-ope surana, teuki paturo nodo au kupahaweakau inona, agaiana ara paturona Paulu au mapari ralempo. Paturo iti ragoli-goli pea tauna au bara manoto pekirinda hai au bara maroho pepoinalainda. Tauna iti mobabaliki worihe paturo ntanina hangko i Sura Malelaha. Hangko i babehianda iti molambihe pehuku hangko Pue Ala.