Yohane 6:5 - Sura Malelaha

⁵ Natotoki Yesu mantoleli, mokoloromohe tauna bosa mai Iria. Mewali mololitami i Pilipu, Nauli, “Iumbake moholo paande, tapaandeahe tauna au node kabosanda?”

Yohane 6:5 Mawu Ofanana

Matiu 15:33

Rauli topeguruNa, “Hangko iumba ina tahumba paande au ina tapopopaandehe tauna hanode kabosanda, lawi paidaa ide boa?”

Markus 6:32

Mewali, mesawimohe i duanga lao i paidaa au boa.

Lukasi 9:10

I pesulenda topeguruna Yesu au hampulo hai rodua, mopahawehe i Yesu ope-ope au rababehimi i boea-boeana. Roo indo, Yesu moanti topeguruNa lao i paidaa au boa hungku i boea Betsaida. Tunggaiana Yesu bona mopalehihe tauna bosa.

Yohane 1:43

Kahalona, Yesu motunggai lao i tampo Galilea. Hangko damani meangka, laomi mampombelambia Pilipu hai Nauliangaa, “Meulako Iriko!”

Yohane 1:44

Pilipu iti, hangko i boea Betsaida, boeanda Andaria hai Peturu.

Yohane 1:45

Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Yohane 1:46

Mehana Natanael, nauli, “Ara wori pae au maroa hangko i boea Nasare?” Nauli Pilipu, “Maimoko bona nuita!” Lao mpuumohe i Yesu.

Yohane 1:48

Nauli Natanael, “Noumbari hai Nuisana, Guru?” Nauli Yesu, “Hangko damaniko nakakio Pilipu, Kuitamoko i woi kau ara.”

Yohane 4:35

Ikamu biasa manguli node: iba mani wulana, hangko meparerike. Agaiana Kuuliangaakau: nipeitahe ohou bonde. Mabadami parena, sukanami rapepare.