Yohane 6:46 - Sura Malelaha

⁴⁶ Agaiana inee nipehangu arami tauna au moita UmaNgku. Batena pea Iko au moita, lawi Iko hangko i Pue Ala.

Yohane 6:46 Mawu Ofanana

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 14:7

Ane niisaNa, niisa wori UmaNgku. Mepongka ide-ide, niisami hai niitami.”

Yohane 15:24

I olonda tauna bosa, Kubabehi tanda kuasa au bara mani rababehi tauna ntanina. Ane kebara Kubabehi nodo, kebarahe masala. Agaiana i karaitana apa au Kubabehi, ihira mokahihi liliuNa, hai UmaNgku rakahihi wori.

Yohane 5:37

Hai meliu hangko inditi, UmaNgku au motuduNa mai, Ia haduduaNa mewali sabiNgku bona mopakanoto kahemaNgku. Ikamu, bara mani hambela nihadi wotuNa, bara mani niita lenggeNa.

Yohane 7:29

Iko, Kuisa lawi hangko IriaNa mai, hai Iami au motuduNa.”

Yohane 8:19

Rapekune toParisi, “Iumba UmaMu?” Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.”

Yohane 8:55

Moleri barato niisa kahemaNa. Ane Iko, Kuisa. Ane keKuuli Ia bara Kuisa, modongkoNa nodo ikamu. Agaiana tou-tou kaKuisaNa, hai Kupeulai lolitaNa.

Kolose 1:15

Pue Ala, bara taita. Agaiana peisa taita hangko i poantiNa hai kuasana Yesu, lawi poantiNa hai kuasana Yesu himbela hai Pue Ala. Yesu teimba Ana Towutu, hangko i hinangkana au Napopewali Pue Ala lawi meliu kuasaNa.

1 Timotiu 6:16

Batena pea Ia au bara ina mate. Ia maida i lalu kamabaa au meawa ntepuu. Bara ara hadua au peisa mohungkuki ba moita, lawi Ia bara raita. Batena pea Ia au hintoto rabila hai au hintoto moparenta hawe i hae-haena. Amin.

1 Yohane 4:12

Bara mani mpuu ara hadua au moita Pue Ala. Agaiana nauri nodo, ane mombepokaahike hadua hai hadua, Pue Ala mohintuwu liliu hai ikita, hai ahiNa tetambai liliu i lalu katuwonta duuna barapi makura.