Yohane 6:38 - Sura Malelaha

³⁸ Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 6:38 Mawu Ofanana

Matiu 20:28

Hangangaa nipeulai poantiKu, Iko Ana Manusia. Lawi tunggaiaKu mai i dunia ide, baraNa mai mewali topohawa. Agaiana kamaiNgku i dunia ide bona mewaliNa hawi, hai bona mohuhuna wataNgku rapapate mohuru salanda tauna bosa.”

Yohane 3:13

Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 3:31

Yesu hangko i suruga, mewali kuasaNa meliu hangko i hinangkana. Tauna hangko i dunia, batena manusia biasa pea, hai mampololita pea apa au mewali i dunia. Agaiana Yesu, hangko i suruga, mewali kuasaNa meliu hangko i hinangkana.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 5:30

Yesu mopaliliu lolitaNa, Nauli, “Iko, baraNa peisa mobabehi apa-apa moula peundeaKu haduduaNgku. Kubotusi hinangkana moula apa au nahawaaNa UmaNgku. PobotusiNgku manoto, lawi baraNa moula peundeaKu haduduaNgku, agaiana moula peaNa peundeana Pue Ala au motuduNa.

Yohane 6:29

Nauli Yesu, “Mepoinalaikau Iriko au NatuduNa mai. Itimi bago au naunde Pue Ala.”

Yohane 6:33

Paande au naweikau Pue Ala, iami, Ia au mendaulu mai hangko i suruga hai au mowei katuwo i manusia i dunia.”

Yohane 6:42

Mololitamohe, hadua hai hadua, rauli, “Bara pae Yesu iti, anana pea Yusupu? InaNa hai umaNa taisahe. Moapari hai Nauli kahangko i surugaNa mai?”

Yohane 6:57

UmaNgku au motuduNa, Iami pongkana katuwo, hai Iko tuwo hangko Iria. Nodo wori tauna au maande ontoKu, molambihe katuwo hangko Iriko.

Roma 15:3

Lawi Kerisitu bara wori mohaoki kamatanaNa haduduaNa. Anti peulaNa i Pue Ala, Ia molambi ngkaia kapari. I lalu Sura Malelaha hangkoia ara lolita au mampololita kana i watana Pue Yesu au manguli, “Ope-ope lolita au mopapakoi Pue Ala, mokanai worina.”

Epesu 4:9

Mewali ane rauli, “Ia mengkaore hulemi i kapangkaaNa”, manoto hangkoia Ia mendaulumi mai i paidaa au tepaiwoi i dunia ide.

Ibarani 5:8

Nauri Ia Anana Pue Ala, Ia molambi wori kapari, hai i lalu kapari iti, Ia mampegurui noumba rara mengkoru i Pue Ala.