Yohane 6:2 - Sura Malelaha

² Bosa mpuu tauna au meula Iria, lawi moitamohe ope-ope tanda au Nababehi i kamopakaohaNa tomahai.

Yohane 6:2 Mawu Ofanana

Matiu 12:15

Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 13:2

Bosa mpuu tauna teruhu motoleliki, ido hai laomi mesawi i duanga hai mohuda i laluna. Tauna bosa meangkahe i wiwi rano.

Matiu 14:14

Pendauluna Yesu hangko i duanga, Ia moita tauna bosa indo. Maahi laluNa moitahe, hai Napakaohahe au mahai.

Matiu 8:1

Pendauluna Yesu hangko i tongku-tongkuna, bosa tauna meula Iria.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 6:33

Agaiana raitari bosa tauna kapadunda, hai raisa wori iumba kalaoanda. Mewali, melangkamohe tauna hangko i ope-ope boea au hungku laohe i wiwi rano, alana ihirari au ioru hawe pane Yesu hai topeguruNa.

Yohane 11:47

Ido hai toParisi hai kapala-kapala tadulako mpenomba mopaaramohe pogombo mahile hihimbela hai tadulako agama au ntanina, rauli, “Apa au hangangaa tababehi? Nipeita! Ngkaiami tanda kuasa au Nababehi tauna iti.

Yohane 12:18

Ido hai pane bosa ntepuumohe tauna lao mampohidupaa Yesu, lawi mohadihe kaIana au mobabehi tanda kuasa iti.

Yohane 12:37

Nauri ngkaia tanda kuasa au nababehi Yesu i lindonda to Yahudi iti, batenda bara mepoinalai Iria.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 2:23

Tangana Yesu i Yerusale moula Alo Posusa Pasa, bosa tauna mepoinalai Iria, lawi moitahe tanda-tanda kuasa au Nababehi.

Yohane 20:30

Ngkaia mani tanda kuasa au nababehi Yesu i lindonda topeguruNa, agaiana bara ope-ope teuki i lalu sura ide.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 6:22

Kahalona, tauna bosa au ara manihe ntanda i orupena rano mohaoki Yesu, rauli, “Iumbami Yesu? Ia bara moduanga hihimbela hai topeguruNa imaindi. Bara wori ara duanga ntanina inde, batena pea duanga au rapesawii topeguruNa.”

Yohane 6:26

Mehana Yesu, “Tou mpuu lolitaNgku ide: Kuisa apa tunggaiami mohaokiNa. NihaokiNa lawi mabuhumokau Kupaande, bara anti poisami lempona tanda au Kubabehi.

Yohane 6:30

Rauli mbuli tauna bosa, “Ane nodo, tanda apa au Nupopaitaangkai bona kipoinalai kahangko i Pue Alana mpuuKo? Apa au ina Nubabehi?