Yohane 5:36 - Sura Malelaha

³⁶ Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Yohane 5:36 Mawu Ofanana

Matiu 11:4

Kanahadina Yesu pekunenda, Nauliangaahe node, “Mesulemokau, hai nipetumbuia Yohane apa au nihadi hai au niita:

Lukasi 2:49

Nahanaihe, “Moapari hai nihaokiNa? Bara pae niisa, Iko hangangaa araNa i lalu souna UmaNgku?”

Yohane 10:25

Nauli Yesu, “Roomokau Kuuliangaa, agaiana bara nipoinalai. Tanda au Kubabehi hai kuasa au hangko UmaNgku, itimi au mopakanoto kahemaNgku.

Yohane 11:37

Agaiana ara worihe au manguli, “Tauna au bilo Napakaoha. Moapari pane Ia bara mopakaoha Lasaru dati mate?”

Yohane 15:24

I olonda tauna bosa, Kubabehi tanda kuasa au bara mani rababehi tauna ntanina. Ane kebara Kubabehi nodo, kebarahe masala. Agaiana i karaitana apa au Kubabehi, ihira mokahihi liliuNa, hai UmaNgku rakahihi wori.

Yohane 17:4

Uma, Kupatongawami peawaNa tuwoMu i dunia ide i poparooNgku bago au NuweiNa.

Yohane 2:23

Tangana Yesu i Yerusale moula Alo Posusa Pasa, bosa tauna mepoinalai Iria, lawi moitahe tanda-tanda kuasa au Nababehi.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 5:32

Agaiana ara au ntanina au mosabi kana Iriko, iami UmaNgku, hai Kuisa katouna posabiNa.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

1 Yohane 5:9

Mewali ane mampoinalaike posabinda tauna, apa mani posabina Pue Ala. Lawi Pue Ala mosabiki AnaNa haduduaNa.