Yohane 5:3 - Sura Malelaha

³ Bosa tomahai mogulu inditi. Arahe au bilo, au wara bitinda, hai au palu, ope-opehe maturu liliu i tambale, [mampegiahe pokalena owai.

Yohane 5:3 Mawu Ofanana

Matiu 15:30

Mokoloromohe tauna bosa monontohi Ia, moantihe au palu, au bara masilolonga watanda, au bilo, au bara peisa mololita hai tomahai au ntanina. Rawolihe i lindona Yesu, hai Napakaohahe.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Lukasi 7:22

Mewali, Yesu mohanaihe topeguruna Yohane, Nauli, “Mesulemokau, hai nipetumbuia Yohane apa au niita hai au nihadi: au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Yohane 5:2

I Yerusale hungku i babaka au rahanga “Babaka Dimba”, ara hambua wuhu; i lalu basa Ibarani hangana Betesda. Ara lima mbuana tambale au motoleliki wuhu iti.

Yohane 5:4

Lawi hambela-hambela ara malaekana Pue au mendaulu i wuhu iti mampopokale owai. Hai hema au ioru mendaulu i lalu wuhu i tempona owai mokale, maohami hangko i hakina.]

Roma 8:25

Mewali, ane taharunga kaina molambita anu-anu au bara mani tahumba, hangangaa mantahake mampegia.

Yakobu 5:7

Halalu-halalu! Hangangaa sabarakau mampegia kahaweNa hule Pue. Nipeita noumba kasabaranda topobonde mampegia powuana tuda-tudanda. Sabarahe mampegia uda i temponda mantuda hawe i powuana.