Yohane 5:18 - Sura Malelaha

¹⁸ Hangko inditi, tadulakonda to Yahudi mohaoki liliuhe rara mopapate Yesu. Mobabehihe nodo i Yesu, bara pea anti poliungiNa ada i Alo Pengkarooangaa, agaiana lawi Nauli wori Pue Ala iami UmaNa; lempona, Ia mopahimbela wataNa hai Pue Ala.

Yohane 5:18 Mawu Ofanana

Matiu 12:5

Nipekiri wori apa au teuki i lalu Aturana Musa, tadulako mpenomba i lalu Souna Pue Ala, mobago ntepuuhe i Alo Pengkarooangaa, agaiana barahe rasalai.

Yohane 1:19

Idemi posabina Yohane au mopahawe kahemana Yesu. Hambela tempo, tadulakonda to Yahudi i Yerusale motudumohe bahangkia tadulako mpenomba hai to Lewi lao i Yohane. Kahawenda i Yohane, rauliangaa, “Tunggaiaki maingkai mekune irio ba hemako. Ba oiomi Datu Topehompo?”

Yohane 10:30

Iko hai UmaNgku, hadua peaNgkai.”

Yohane 10:33

Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 14:9

Nauli Yesu, “Bara maniNa pae nuisa, Pilipu? Mahaemoke hihimbela! Hema au moitaNa, moita wori UmaNgku. Mewali, moapari hai nuperapi bona Kutudungiakau UmaNgku?

Yohane 19:7

Rauli tadulakonda to Yahudi, “Moula atura agamangki, Ia hangangaa rahuku mate, lawi Nauli kaIana Anana Pue Ala.”

Yohane 5:15

Hangko inditi, laomi tauna iti mampohidupaahe tadulakonda to Yahudi, nauliangaahe kaYesuna au mopakaoha.

Yohane 5:16

Ido hai tadulakonda to Yahudi mohaokihe rara mopakasusa Yesu, lawi Ia mepakaoha i Alo Pengkarooangaa.

Yohane 5:17

Agaiana Nauliangaahe Yesu, “UmaNgku mobago duuna ide-ide, hai Iko wori mobago liliuNa.”

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”

Yohane 8:54

Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai.

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Pilipi 2:6

KatuwoNa, himbela hai Pue Ala, nauri nodo, katuwoNa au himbela hai Pue Ala, bara Napolai.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 22:3

I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria