Yohane 4:41 - Sura Malelaha

⁴¹ Hangko inditi, kabosa-bosaa ampu boea au mepoinalai i Yesu, lawi mohadi mpuumohe lolitaNa,

Yohane 4:41 Mawu Ofanana

Lukasi 4:32

Tingkaramohe tauna au mohadi pepaguruNa, lawi lolitana buke kuasa.

Yohane 4:40

Mewali, laomohe mampohidupaa Yesu, hai raperapi ntepuu bona Yesu mehupe i boeanda. Ido hai Yesu maidami inditi rombengia.

Yohane 4:42

hai mololitahe i towawine iti, “Ide-ide kipoinalai mpuumi, bara pea hangko i lolitamu, agaiana lawi kihadimi lolitaNa, hai kiisa kaIana mpuumi Datu au mohorema manusia hangko i huku dosanda.”

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Yohane 7:46

Rahanai, “Lawi bara mani ara kihadi tauna au mololita nodo Ia!”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 15:3

Mewali, Paulu hai Baranaba rapopeangkamohe to Sarani i Antiokia hai raporangaihe hawe i raoa wanua. Hangko inditi, molumaomohe lao i Yerusale. I polumaonda iti, moliuhe i tampo Fenisia hai Samaria, hai i polumaoanda, motuntuhe noumba tauna au barahe to Yahudi mepoinalai worihe i Yesu. Bambari iti mopamatana lalunda ope-ope halalu hampepepoinalainda.

Suro 8:12

Agaiana kahawena Pilipu i boeanda, ia mopahawe bambari kana i poparentana Pue Ala, hai napaturoahe kaYesuna Datu Topehompo alanda bosa tobalilo hai towawine mepoinalai i Yesu hai rariuhe.

Suro 8:25

Karoonda Peturu hai Yohane mepaturo hai mopahawe Ngkorana Pue, mesulemohe lao i Yerusale. I polumaonda, rabambari wori Ngkorana Pue i boea-boea ntanina i tampo Samaria.

Ibarani 4:13

Bara ara hampaka au tewuni i peitaNa. Hinangkana au ara tepambole hai tongawa Iria. Hai Iria hangangaa tapangaku ope-ope babehianta.